စစ်ကိုင်းတိုင်း ၊ ယင်းမာပင်မြို့နယ်နှင့် ဆားလင်းကြီးမြို့နယ်အတွင်းရှိ ကျေးရွာပေါင်းစုံ သပိတ်ကော်မတီနှင့် ဒေသခံများပူးပေါင်းပြီး စစ်အာဏာရှင်ဆန့်ကျင်ရေး ဆန္ဒပြချီတက်ပွဲကို ယနေ့ မေလ ၁၂ရက် ယနေ့တွင်ပြုလုပ်ခဲ့ကြသည်။
လူထုသပိတ်စစ်ကြောင်းသည် “ကြောက်ခေတ်ကို မှောက်ပစ်” စာတန်းကို ကိုင်စွဲပြီး ကြွေးကြော်သံများ ဟစ်ကြွေးချီတက်ခဲ့ကြခြင်းဖြစ်သည်။
ဆက်လက်ပြီး ကျဆုံးအာဇာနည်များကို အလေးပြုခြင်း ၊ သွေးမော်ကွန်းသီချင်း သံပြိုင်သီဆိုခြင်းနှင့် စစ်အာဏာရှင် ဆန့်ကျင်ရေးတရားများ ကို ဦးဆောင်သူများက ဟောပြောခဲ့ကြသည်။
ထိုချီတက်ပွဲသည် ရွာပေါင်းစုံသပိတ်ကော်မ၏ ၇၉၀ ရက်မြောက်အဖြစ် ချီတက်ခြင်းဖြစ်သည်။
ဆားလင်းကြီးမြို့နယ်မြောက်ခြမ်းနှင့် ယင်းမာပင်မြို့နယ်အရှေ့ခြမ်းရှိ ကျေးရွာပေါင်းစုံ သပိတ်စစ်ကြောင်းသည် ၂၀၂၁ ခုနှစ်၊ မတ်လ ၉ ရက်နေ့မှစတင် ဆန္ဒပြခဲ့ခြင်းဖြစ်သည်။
စာတည်း - သန့်ဇော်(သန်လျင်)