ကရင်နီပြည်နယ်၊ ဘော်လခဲမြို့တွင်းက စစ်ကောင်စီအထိုင်ချရာ နေရာတွေကို ပြည်သူကာကွယ်ရေးတပ်ဖွဲ့ တွေက မေလ ၁ရက်နေ့က စီးနင်းတိုက်ခိုက်ခဲ့ပြီး စစ်ကောင်စီတပ်သား ခုနစ်ဦးသေဆုံးကာ လက်နက်ခဲယမ်းတချို့သိမ်းဆည်းရမိခဲ့တယ်လို့ ဘောလခဲ ပြည်သူကာကွယ်ရေးတပ်ဖွဲ့ (BPDF) အမှတ် (၁၁၀၅) တပ်ရင်းက ထုတ်ပြန်ပါတယ်။
ဘောလခဲခရိုင် ပူးပေါင်းဗျူဟာ စစ်ကြောင်းဟာ မေလ ၁ ရက်နေ့ မနက် ၄ နာရီ ၅၀ မိနစ် မှာ ဘောလခဲမြို့တွင်းရှိ အကြမ်းဖက်စစ်ကောင်စီတပ်တွေ နေရာယူထားတဲ့ စစ်မှုထမ်းဟောင်းရုံး၊ လ.ဝ.ကရုံး၊ မြို့မရဲစခန်း၊ ရုပ်/သံလွှင့်ဌာနတို့ကို ဝင်ရောက်စီးနင်း ပစ်ခတ်ခဲ့တာပါ။
ဒီတိုက်ပွဲမှာ ဘောလခဲပြည်သူ့ကာကွယ်ရေး တပ်ရင်းက ရဲဘော် နှစ်ဦး ကျဆုံးခဲ့ပြီး တစ်ဦး ဒဏ်ရာပြင်းထန် ရရှိခဲ့တယ်လို့ ဘောလခဲ ပြည်သူကာကွယ်ရေးတပ်ဖွဲ့ (BPDF) ပြောရေးဆိုခွင့်ရှိသူက မဇ္ဈိမကို ပြောပါတယ်။
စာတည်း။ ။ နောင်နောင်
တင်ဆက်၊တည်းဖြတ် - KMN
