၂၀၂၃ ခုနှစ် ပြီးခဲ့တဲ့ ဧပြီလအတွင်း စစ်ကောင်စီတပ်ကြောင့် အသက်ဆုံးရှုံးခဲ့ရတဲ အမျိုးသမီး ၅၅ ဦးရှိပြီး အမျိုးသမီး ၄၀ ကျော်ဟာလည်း ဖမ်းဆီးထိန်းသိမ်းတာ ခံထားရတယ်လို့ မြန်မာ့အမျိုးသမီးသမဂ္ဂ (BWU)က မေလ ၂ ရက်နေ့မှာ ထုတ်ပြန်ပါတယ်။
တိုင်းနဲ့ ပြည်နယ် ခြောက်ခုမှာ အသတ်ခံခဲ့ရတဲ့ အမျိုးသမီး ၅၅ ဦးအနက် စစ်ကိုင်းတိုင်း ၊ ကန့်ဘလူမြို့နယ်၊ ပဇီကြီးကျေးရွာကို ဧပြီလ ၁၁ ရက်နေ့က စစ်ကောင်စီတပ်က လေကြောင်းနဲ့ ဗုံးကြဲတိုက်ခိုက်မှုကြောင့် အသက်ဆုံးရှုံးခဲ့ရတဲ့ အမျိုးသမီး ၄၅ ဦး ပါဝင်တယ်လို့ သိရပါတယ်။
အမျိုးသမီးတွေဟာ စစ်ကောင်စီတပ်ရဲ့ လေကြောင်းတိုက်ခိုက်မှု၊ စစ်ဘေးရှောင်စခန်းတွေကို လက်နက်ကြီးပစ်ခတ်မှုနဲ့ စစ်ကြောရေးတွေမှာ နှိပ်စက်ခံရလို့ သေဆုံးတာတွေကို တွေ့ရတယ်လို့ အမျိုးသမီးအရေး စောင့်ကြည့်နေသူတွေက ပြောပါတယ်။
စာတည်း။ ။ နောင်နောင်
သတင်း= ၀၀၁
တည်းဖြတ်/တင်ဆက်= ဂျူချန်း