စစ်ကိုင်းတိုင်း၊ ယင်းမာပင်မြို့နယ် နှင့် ဆားလင်းကြီးမြို့နယ် အတွင်းရှိ ကျေးရွာပေါင်းစုံ သပိတ်ကော်မတီနှင့် ဒေသခံများပူးပေါင်းပြီး စစ်အာဏာရှင်ဆန့်ကျင်ရေးသပိတ်ချီတက်ကာ ကျဆုံးခဲ့သည့် အာဇာနည် ကို အလေးပြုခဲ့ကြောင်းသိရသည်။
ဧပြီလ ၂၇ရက် ယနေ့တွင် လူထုသပိတ်စစ်ကြောင်းသည် ၂၀၂၁ခုနှစ် မတ်လ ၂၇ရက်နေ့တွင် စစ်ကောင်စီတပ်မှ အကြမ်းဖက်ဖြိုခွင်းမှုကြောင့် ကျဆုံးခဲ့ရသည့် အာဇာနည်သူရဲကောင်း ချမ်းမြေ့ကျော် ၏ နှစ်နှစ်နှင့် တစ်လ မြောက်အထိမ်းအမှတ်အဖြစ် ၎င်း၏ ဂူဗိမာန်တွင် ချီတက်အလေးပြုခဲ့ကြခြင်းဖြစ်သည်။
သပိတ်စစ်ကြောင်းသည် “သွေးစွန်းငွေလာရာ MOGE ကို ချက်ချင်း အရေးယူပိတ်ဆို့ပေး” ပါ စာတန်း ကို ကိုင်ဆွဲ၍ ရွာပေါင်းစုံသပိတ်၏ ဆန္ဒပြရက်ပေါင်း ၇၇၄ ရက်အဖြစ် ချီတက်ခဲ့ခြင်းဖြစ်ကြောင်းသိရသည်။
ဆာလင်းကြီးမြို့နယ် မြောက်ခြမ်းနှင့် ယင်းမာပင်မြို့နယ် အရှေ့ခြမ်းရှိ ရွာပေါင်းစုံသပိတ်စစ်ကြောင်းသည် ၂၀၂၁ ခုနှစ်၊ မတ်လ ၉ ရက် နေ့မှစတင် ဆန္ဒပြခဲ့ ခြင်းဖြစ်ကြောင်း သိရသည်။
စာတည်း - သန့်ဇော်(သန်လျင်)
