မြန်မာနိုင်ငံရဲ့ တောင်ဘက်အကျဆုံးမှာတည်ရှိပြီး ကျွန်းစုအများအပြားနဲ့ ဖွဲ့စည်းထားတဲ့ တနင်္သာရီဒေသဟာ စစ်တပ်ကအာဏာသိမ်းတာကို အပြင်းအထန် ဆန့်ကျင်တွန်းလှန်နေတဲ့ ဒေသတွေထဲက တခုဖြစ်ပါတယ်။
တနင်္သာရီဒေသရဲ့ လက်ရှိအခြေအနေ၊ ခုခံတွန်းလှန်ရေးအင်အားစုတွေရဲ့ အနေအထား၊ လူထုရင်ဆိုင်ကြုံတွေ့နေရတာ၊ စစ်အာဏာရှင်စနစ် အမြစ်ပြတ်ရေးအပေါ် လူထုရဲ့ ရပ်တည် လုပ်ဆောင်ချက် စတာတွေကို အခုဆွေးနွေးခန်းမှာ ကြည့်ရှုနားဆင်ကြရပါမယ်။
ထားဝယ်အမျိုးသမီးသမဂ္ဂ (TWU) ရဲ့ အထွေထွေအတွင်းရေးမှူးလည်းဖြစ်၊ အမျိုးသမီးများအဖွဲ့ချုပ် (မြန်မာနိုင်ငံ) (WLB) ရဲ့ မူဝါဒရေးရာဦးဆောင်အဖွဲ့ဝင်တဦးလည်းဖြစ်တဲ့ မနုနုလှိုင်၊ မြိတ်မြို့နယ် နိုင်ငံရေးအင်အားစု အဖွဲ့ဝင်တဦးဖြစ်သူ ကိုမိုးသူအောင်တို့နဲ့ ကိုကျော်ကျော်သိန်းက မေးမြန်းဆွေးနွေးပြီး တင်ဆက်ထားပါတယ်။