အာဏာသိမ်းစစ်ကောင်စီရဲ့ အဆင်ခြင်မဲ့ လေကြောင်းကနေ ဗုံးကြဲတိုက်ခိုက်တဲ့လုပ်ရပ်တွေကြောင့် သက်ကြီးရွယ်အိုတွေဟာနေရပ်စွန့်ခွာထွက်ပြေး နေရသလို လူသားချင်းစာနာထောက်ထားမှုဆိုင်ရာ အကူအညီတွေလိုအပ်နေတယ်လို့ သံအမတ်ကြီး ဦးကျော်မိုးထွန်းကပြောပါတယ်။
နယူးယောက်မြို့အခြေစိုက် ကုလသမဂ္ဂဌာနချုပ်မှာ Open-Ended Working Group on Ageing ရဲ့ (၁၃) ကြိမ်မြောက် အစည်းအဝေးကို ဧပြီလ(၃) ရက်ကနေ (၆) ရက်နေ့အထိ ကျင်းပနေပြီး အဲဒီ အစည်းအဝေးမှာ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး က မိန့်ခွန်း ပြောခဲ့တာပါ။
နိုင်ငံတကာအသိုင်းအဝန်းအနေနဲ့ မြန်မာနိုင်ငံအရေးကိစ္စ၊အဓိကအားဖြင့် သက်ကြီးရွယ်အိုတွေ ရင်ဆိုင်ကြုံတွေ့နေရတဲ့ စိန်ခေါ်မှုတွေအပေါ် အထူးအလေးထားအာရုံစိုက်ဖို့၊ထိရောက်မှုရှိတဲ့ အရေးယူဆောင်ရွက်မှုနဲ့ အကူအညီတွေလိုအပ်နေတယ်လို့ သံအမတ်ကြီးက ပြောခဲ့ပါတယ်။
သံအမတ်ကြီး ဦးကျော်မိုးထွန်းက မြန်မာနိုင်ငံအရေးကိစ္စ၊ အဓိကအားဖြင့် သက်ကြီးရွယ်အိုများ ရင်ဆိုင်ကြုံတွေ့နေရသည့် စိန်ခေါ်မှုများအပေါ် နိုင်ငံတကာအသိုင်းအဝန်းအနေဖြင့် အထူးအလေးအနက်ထားအာရုံစိုက်ရန် ချက်ချင်းလိုအပ်သကဲ့သို့ ထိရောက်မှုရှိသော အရေးယူဆောင်ရွက်မှုနှင့် အကူအညီများကိုလည်း ပေးအပ်ရန် အထူးလိုအပ်ကြောင်း ပြောကြားခဲ့ တာပါ။
