စပိန်အခြေစိုက် လူ့အခွင့်အရေးအဖွဲ့ Safeguard Defenders က တိုက်ကြီး ၅ တိုက်တွင် လှုပ်ရှားနေသော တရုတ်ပြည်ပ လျှို့ဝှက်ရဲစခန်းများ (COPS) အကြောင်းကို ၂၀၂၂ ခုနှစ် စက်တင်ဘာလတွင် ပထမဆုံး တင်ပြခဲ့သည်။

နိုင်ငံပေါင်း ၅၃ နိုင်ငံတွင် လည်ပတ်နေသော ရဲစခန်းပေါင်း ၁၀၂ ခုခန့်ရှိကြောင်း Inside Over က ဖော်ပြခဲ့သည်။
ဖူကျန့်ပြည်နယ်မှ ဖူကျိုး၊ ကျီကျန်းပြည်နယ်မှ ချင်ထန်၊ ဝမ်ကျိုးနှင့် ကျန်းစုပြည်နယ်မှ နန်တုန်အမည်များဖြင့် COPS ကွန်ရက်ကို တရုတ်အခြေစိုက် ပြည်သူ့လုံခြုံရေးဗျူရို (PSBs) က တည်ထောင်ခဲ့သည်ဟု ယူဆရသည်။

ယင်းတို့သည် ရာဇဝတ်မှုများ၊ လိမ်လည်မှုများနှင့် အကျင့်ပျက်အရာရှိများအပြင် တိဗက်၊ ဝီဂါများနှင့် ပြည်ပ ရောက် တရုတ်အစိုးရကို ဆန့်ကျင်ပြောကြားသူများကဲ့သို့သော နိုင်ငံရေးအတိုက်အခံများနှင့် ဆန့်ကျင်သူများကို ပစ်မှတ်ထားကာ သတင်းစုဆောင်းခြင်း၊ ဖိနှိပ်မှုနှင့်  သြဇာလွှမ်းမိုးရေးတို့အတွက် လှုပ်ရှားလျက်ရှိသည်။ 

တရုတ်သည် ထပ်မံစုံစမ်းစစ်ဆေးမှုနှင့် နိုင်ငံသားများ ပြန်လည်ခေါ်ဆောင်ရေးအတွက် တရုတ်၏ ညီညွတ်သောရှေ့တန်းလုပ်သားဌာန (UFWD)နှင့် ချိတ်ဆက်ထားသော ဒေသတွင်းရှိ တရုတ်ပင်လယ်ရပ်ခြား ဌာနေအသင်းအဖွဲ့များကို အသုံးပြုလေ့ရှိသည်။

တရုတ်ကွန်မြူနစ်ပါတီ (CCP) သည် ၂၀၁၈ ခုနှစ် အဖွဲ့အစည်းဆိုင်ရာ ပြုပြင်ပြောင်းလဲမှုအရ ပြည်ပရှိ တရုတ် များကို သတင်းပေးများအဖြစ် ခန့်အပ်ရန် ကြိုးပမ်းသည့်အနေဖြင့် ပင်လယ်ရပ်ခြားတရုတ်ဌာနကို UFWD နှင့် ပေါင်းစည်းခဲ့သည်ဟု Inside Over သတင်းတွင် ဖော်ပြထားသည်။
လက်တံကျယ်ပြန့်သည့် COPS များကို အဖွဲ့ခွဲများစွာဖြင့် ဖွဲ့စည်းထားပြီး အဖွဲ့ဝင်များတွင် ရာထူးမယူဘဲ ဆောင်ရွက်ပေးသည့် ရဲအရာရှိဟောင်းများနှင့် အထင်ကရပုဂ္ဂိုလ်များ ပါဝင်သည်။ 

အဆိုပါပုဂ္ဂိုလ်များသည် ဒေသတွင်း ဈေးဆိုင်များ၊ စားသောက်ဆိုင်များ၊ ကုန်တိုက်များ သို့မဟုတ် တိုက်ခန်းများ အပါအဝင် တရားဝင်မဟုတ်သော နေရာများတွင် လုပ်ကိုင်ကြပြီး တရုတ်သံရုံးနှင့် ချိတ်ဆက်ခြင်းမရှိဘဲ ဥပဒေကုမ္ပဏီငယ် များကဲ့သို့ ပြင်ပကိုယ်စားလှယ်များအဖြစ်လည်း လုပ်ကိုင်ကြသည်။ ပြည်သူ့လုံခြုံရေးဗျူရို (PSBs) များသည် နိုင်ငံခြားရှိ မြို့တစ်ခုတွင် ရဲဌာနချုပ်တစ်ခုကို ပထမဆုံးတည်ထောင်ပြီးနောက် မြို့နှင့် ကပ်လျက်နေရာများတွင် ရဲစခန်းငယ်များကို ထပ်မံတည်ထောင်ကြသည်။

အဆိုပါရဲစခန်းများကို ဝန်ဆောင်မှုဌာနများနှင့် ဆက်ဆံရေးရုံးများဟူ၍ ခွဲခြားထားသည်။