ချင်းပြည်နယ်မှာ စစ်ကောင်စီတပ်က ယခုနှစ် နှစ်လတာအတွင်း လေကြောင်း တိုက်ခိုက်မှုပေါင်း၁၁၅ ကြိမ်ထက်မနည်း ပြုလုပ်ခဲ့တယ်လို့ ချင်းအမျိုးသားတပ်ဦး(CNF)က သတင်းထုတ်ပြန်ထားပါတယ်။
၂၀၂၃ခုနှစ် ဇန်နဝါရီ၊ ဖေဖော်ဝါရီ နှစ်လအတွင်း အကြမ်းဖက် စစ်ကောင်စီကချင်းပြည်နယ်အတွင်းရှိ ထန်တလန်၊ ဟားခါး၊ မတူပီ ၊ မင်းတပ်မြို့နယ်များ၌လေကြောင်းတိုက်ခိုက်မှု အခြေအနေကို စုစည်းထုတ်ပြန်ခဲ့ခြင်းဖြစ်ပါတယ်။
နှစ်လအတွင်း ချင်းပြည်နယ်မှာ တိုက်လေယာဉ် ၊ စစ်ရဟတ်ယာဉ် များဖြင့် အနည်းဆုံး ၁၁၅ကြိမ် ဗုံးကြဲတိုက်ခိုက်ခဲ့ရာ ပြည်သူလူထုနေအိမ်များ ပျက်စီးဆုံးရှုံးခဲ့ပါတယ်။
ဗုံးကြဲတိုက်ခိုက်မှု အများဆုံး ပြုလုပ်ခံရတဲ့ မြို့နယ်မှာ ထန်တလန်မြို့နယ် ဖြစ်ပြီး CNF ဌာနချုပ်နေရာ၊ ထန်တလန်မြို့တွင်း နေရာများကို လေကြောင်းမှ အကြိမ်ကြိမ်တိုက်ခိုက်ခဲ့တာဖြစ်ပါတယ်။
ဇန်နဝါရီလမှာ အကြိမ် ၄၀နှင့် ဖေဖော်ဝါရီတွင် ၇၅ ကြိမ် စစ်တပ်ကလေကြောင်းမှတိုက်ခိုက်ခဲ့ခြင်းဖြစ်ပါတယ်။