ပါကစ္စတန်တရုတ်သံရုံးက အစ္စလာမာဘတ်မြို့ရှိ ကောင်စစ်ဝန်ဌာနကို ဖေဖော်ဝါရီ ၁၃ ရက်မှ စတင်၍ နောက်ထပ်ကြေညာချက်တစ်စုံတစ်ရာမထုတ်ပြန်မချင်း ခေတ္တ ပိတ်ထားမည်ဖြစ်ကြောင်း ကြေညာထားသည်။
“နောက်ထပ် အသိပေးချက် တစ်စုံတစ်ရာမထုတ်ပြန်မချင်း ကောင်စစ်ဝန်ဌာနကို ယာယီပိတ်ထားမယ်လို့ အများပြည်သူကို ဝက်ဘ်ဆိုက်ကနေ အသိပေးထားပါတယ်” ဟု ဖော်ပြထားသည်။
"မေးမြန်းလိုသူသည် [email protected] မှ ဆက်သွယ်နိုင်သည်။
"အရေးပေါ်အခြေအနေများ၊ နိုင်ငံကူးလက်မှတ်၊ ခရီးသွားစာရွက်စာတမ်းများနှင့် အခြားအတည်ပြုခြင်းကိစ္စများအကြောင်း မေးမြန်းရန် ရှိပါက ၀၅၁-၈၄၉၆၁၆၇ သို့ ခေါ်ဆိုပါ" ဟု ကြေညာထားသည်။
တရုတ်သံရုံးသည် ဝန်ဆောင်မှု ရပ်ဆိုင်းရခြင်း အကြောင်းအရင်းကို တစ်စုံတစ်ရာ ပြောကြားခြင်းမရှိသော်လည်း မလုံခြုံမှုများ တိုးလာခြင်းက အကြောင်းရင်းတစ်ရပ်ဖြစ်နိုင်သည်။
နိုင်ငံတွင်းရှိ ပါကစ္စတန်နိုင်ငံသားများနှင့် ပြည်ပနိုင်ငံသားများ အထူးသဖြင့် တရုတ်နိုင်ငံသားများ ဘေးကင်းစေရေး ဖြစ်နိုင်သမျှ အစီအမံအားလုံးကို ဆောင်ရွက်ရန် ပြည်ထဲရေးဝန်ကြီး ရာနာဆာနူလာခန်းက အစောပိုင်းတွင် ညွှန်ကြားခဲ့သည်။