(မဇ္ဈိမ)။။ ရန်ကုန် လူထုသပိတ်မှဦးဆောင်ကာ “ကယ်တင်ရှင် ဘယ်သောခါမှမရှိ” ဟူသည့် စာသားကိုင်ဆောင်ကာ ဖက်ဆစ်ဆန့်ကျင်ရေးလှုပ်ရှားမှုကို ယနေ့ ဖေဖော်ဝါရီလ ၁ ရက်နေ့ ညနေခင်းက ပြုလုပ်ခဲ့သည်။
ယနေ့သည် စစ်တပ်မှ အာဏာသိမ်းယူသည့် နှစ်နှစ်ပြည့်သည့်နေ့ဖြစ်သဖြင့် ရန်ကုန်လူထုသပိတ် ရဲဘော်များနှင့်အတူ ပြည်သူများမှ မြဝတီမြို့တစ်နေရာတွင် ယခုကဲ့သို့ စစ်အာဏာရှင်အား ဆန့်ကျင်ဆန္ဒပြကြခြင်းဖြစ်သည်။
ရည်ရွယ်ချက်မှာ ပြည်သူလူထုအနေဖြင့် တော်လှန်ရေးကာလ နှစ်နှစ်ပြည့်သည်ထိ ဆုံးရှုံးခဲ့ရသော မိမိ၏ အခွင့်အရေး၊ လွတ်လပ်မှုတို့အတွက် ကယ်တင်ရှင်မမျှော်လင့်ဘဲ ကိုယ်တိုင် စစ်အာဏာရှင်စနစ်ကို အဆုံးထိ လက်မလျှော့ဘဲ ဆက်လက်တိုက်ဖျက်ကြရန် တိုက်တွန်းနှိုးဆော်လိုသောကြောင့်ဖြစ်ကြောင်း သိရသည်။
စာတည်း - သန့်ဇော်(သန်လျင်)
