ပါကစ္စတန် ကရာချိမြို့တွင် မကြာသေးမီက ကျင်းပခဲ့သော ဒေသန္တရရွေးကောက်ပွဲများ၌ မဲပြန်လည်ရေတွက်ခြင်းကို နိုင်ငံရေးပါတီများက ကန့်ကွက်သဖြင့် ဇန်နဝါရီ ၁၈ ရက်တွင် ဆန္ဒပြမှုများနှင့် ရုန်းရင်းဆန်ခတ်မှုများ ဖြစ်ပွားခဲ့ကြောင်း Dawn သတင်းတွင် ဖော်ပြထားသည်။

ရွေးကောက်ပွဲ ရလဒ်နှောင့်နှေးမှုအတွက် ပါကစ္စတန်ရွေးကောက်ပွဲကော်မရှင် (ECP) က တာဝန်ခံပြီး ပါကစ္စတန်ပြည်သူ့ပါတီ (PPP) အပါအဝင် ထင်ရှားသော နိုင်ငံရေးပါတီများက စီမံခန့်ခွဲမှုမှားယွင်းခြင်းအပေါ် စိုးရိမ်ခဲ့ကြသည်။ 
ဒေသန္တရအစိုးရရွေးကောက်ပွဲများ၏ ဒုတိယအဆင့်ကို ဇန်နဝါရီ ၂၂ တွင် ဆင်းဒ်ပြည်နယ်ရှိ ခရိုင် ၁၆ ခု၌ ကျင်းပခဲ့သည်။ 

ပါကစ္စတန်ရွေးကောက်ပွဲကော်မရှင်သည် ကရာချိ၏ ၂၃၆ သမဂ္ဂကော်မတီများ၏ မဲရလဒ်များကို ကြေညာရန် ၃၆ နာရီကျော် အချိန်ယူခဲ့သဖြင့် အတိုက်အခံများဖြစ်သည့် ပါကစ္စတန် တီရစ်-အီ-အင်ဆက်ဖ် (PTI) နှင့် ဂျာမက်-အီ-အစ္စလာမ်မီ (JI) တို့က ပြည်နယ်အစိုးရအား အကြံအဖန်လုပ်သည်ဟု စွပ်စွဲခဲ့ကြသည်။ 

ဂျာမက်-အီ-အစ္စလာမ်မီ (JI) ပါတီမှ ဝန်ထမ်းများသည် ဇန်နဝါရီ ၁၈ ရက်က ဖက်ဒရယ်အာဒူတက္ကသိုလ် အပြင်ဘက်လမ်းတွင် ဆန္ဒပြကာ တာယာများကို မီးတင်ရှို့ပြီး လမ်းမကြီးကို ပိတ်ဆို့ခဲ့သဖြင့် ယာဉ်ကြောများ ပိတ်သွားခဲ့သည်။ 
ဂူရှန်မြို့ရှိ နယ်မြေတစ်ခုနှင့် ဆာဖူရာမြို့ရှိ တခြားနယ်မြေ ၂ ခုတွင် မဲပြန်ရေတွက်ခြင်းကြောင့်  အနိုင်ရကိုယ်စားလှယ်အမည်များ ပြောင်းလဲသွားခဲ့သည်ဟုဆိုသည်။

ဂျာမက်-အီ-အစ္စလာမ်မီ (JI) ပါတီမှ ကိုယ်စားလှယ်လောင်းတစ်ဦးက မဲပြန်လည်ရေတွက်မှုသည် မရိုးသားသော ရည်ရွယ်ချက်များဖြစ်ကြောင်း ပြောခဲ့သည်။
 အလားတူပင် ကရာချိမြို့ မာလီရ်ခရိုင် ဂူလ်ရှန်-အီ-ဟာဒီရက်ကွက်ရှိ နယ်မြေတွင် မဲပြန်ရေတွက်ခြင်းနှင့်ပတ်သက်၍ မာလီရ်ဒုတိယကော်မရှင်နာ (DC) ရုံးအပြင်ဘက်တွင် PPP နှင့် JI ဝန်ထမ်းများအကြား  ခိုက်ရန်ဖြစ်ပွားခဲ့သည်။

နိုင်ငံရေးပါတီခေါင်းဆောင်များနှင့်နိုင်ငံရေးပါတီများ၏ဝန်ထမ်းများအပေါ်  ခြိမ်းခြောက်မှုများ ရှိခြင်းကြောင့် ကရာချိနှင့် ဟိုက်ဒရာဘတ်တွင် ဒေသန္တရအစိုးရရွေးကောက်ပွဲများကို ရွှေ့ဆိုင်းပေးရန် ဆင်းဒ်ပြည်နယ်အစိုးရက ရွေးကောက်ပွဲကော်မရှင်ကို ဇန်နဝါရီ ၂၁ ရက်တွင် ထပ်မံတောင်းဆိုခဲ့သည်။