ဇန်နဝါရီလ ၉ ရက်
ဂန္ဓဝင် ကချင်အဆိုတော် တေးရေးဆရာမကြီး အင်ဖန်းဂျာရာ (U Yen Sinwa Nhpan Ja )သည် ယနေ့ (ဇန်နဝါရီလ ၉ ရက်နေ့) နံနက်တွင် မြစ်ကြီးနားမြို့တွင် ကွယ်လွန်သွားပြီဖြစ်ကြောင်း မိသားစုနှင့်နီးစပ်သူများက ပြောသည်။ ကွယ်လွန်ချိန်တွင် အသက် ၉၁ နှစ်ရှိပြီဖြစ်သည်။
အင်ဖန်းဂျာရာသည် ဒီဇင်ဘာလ ၅ရက်နေ့ညနေက အသက်ရှုကြပ်လာသည့်အတွက် မြစ်ကြီးနားမြို့ရှိ ရင်စိန်အဆင့်မြင့်ဆေးရုံးကြီးသို့ ပို့ဆောင်ကာ ဆေးကုသမှုခံယူနေခဲ့ခြင်းဖြစ်ကာ ယနေ့နံနက် ၉ နာရီခွဲအချိန်မှာတော့ အသက်ဆုံးပါးသွားခြင်းဖြစ်သည်။
ဆရာမကြီး အင်ဖန်းဂျာရာသည် ၁၉၄၇ ခုနှစ် ပင်လုံစာချုပ်ရေးထိုးစဥ်က ပါဝင်ခဲ့ကာ ဂုဏ်ပြုသီချင်း သီဆိုခဲ့သူဖြစ်ကာ ၁၉၄၈ ခုနှစ်မှာ ပထမဆုံး ကချင်အမျိုးသား ဂန္တဝင်သီချင်းများရေးသားသီကုံးသူဖြစ်လာခဲ့သည်။
၁၉၆၉ - ၇၄ ခုနှစ်တွင် ကချင်ပြည်နယ်မှာ ပထမဆုံးသော တေးဂီတအဖွဲ့ဖြစ်လာသည့် မွေးရပ်မြေ (Buga Band) ကို တည်ထောင်ခဲ့သည်။
၁၉၅၄ ခုနှစ်မှာ First (B.B.S) The First Kachin Woman Stereo & Radio Vocalist at Burma Broadcasting Service In Kachin Section ကို ဦးဆောင်ခဲ့သူဖြစ်သည်။
သီချင်းပေါင်း ၆၀၀ ကျော်ကို ဂျိန်းဖော၊ ဗမာ၊ အင်္ဂလိပ်ဘာသာဖြင့် ရေးစပ်ထားပြီး နိုင်ငံကျော်သီချင်းများ၊ အချစ်သီချင်းများ၊ ဓမ္မတေးသီချင်းများနဲ့ နိုင်ငံတော် ဂုဏ်ပြုသီချင်းများကိုလည်း သီဆိုခဲ့သူဖြစ်သည်။
ကချင်အနုပညာ သုခုမမိခင်ကြီး အင်ဖန်းဂျာရာက ( ၁၉၅၅ -၈၈ ) ခုနှစ်အတွင်း မြန်မာနိုင်ငံမှာ ပြည်နယ်အားကာဦးစီးမှုးဖြစ်လာပြီး အမျိုးသမီးများထဲတွင် ပထမဦးဆုံးသော ပြည်နယ်အားကာမှူးဖြစ်လာခဲ့သည်။
ထို့အပြင် (၁၉၇၂ - ၇၈) ခုနှစ်များမှာ တရားသူကြီးအဖြစ်တာဝန်ထမ်းဆောင်ခဲ့ပြီး ကချင်လူမျိုးများ ၏ ပထမဦးဆုံးသော အမျိုးသမီး တရားသူကြီးဖြစ်ခဲ့သည်။
ထို့အပြင် ၁၉၇၅ ခုနှစ်က ကချင်ပြည်နယ်မှာ ကျင်းပပြုလုပ်ခဲ့သည့် (၂၈) နှစ်မြောက် ပြည်ထောင်စုနေ့ အ ခမ်းအနား၌ မိန့်ခွန်းပြောကြားခဲ့သည့် ပထမဆုံးသော ကချင်အမျိုးသမီးတစ်ဦးလည်း ဖြစ်သည်။
၁၉၉၀ - ၉၆ ခုနှစ် ကချင်နှစ်ခြင်းခရစ်ယာန် (မူရင်း) အသင်းချုပ်၏ အထွေထွေ အတွင်းရေးမှူးဖြစ်ခဲ့သည်။
ကချင်လူထုကြားမှာ သြဇာတိက္ကမကြီးမားတဲ့ ကချင် အမျိုးသားများအတိုင်ပင်ခံအဖွဲ့ (WMR) ရဲ့ အတိုင်ပင် ခံ (Consultant) လည်း ဖြစ်သည်။
သူ၏ ရုပ်အလောင်းကို မြစ်ကြီးနားမြို့ရှိ ခရစ်ယာန်ဘာသာပေါင်းစုံ ဝန်ပေါင်း (နောင်းနန်) သင်းချိုင်းမှာ မြေမြုပ်မြုပ်နှံသွားမှာ ဖြစ်တယ်လို့ မိသားစုနဲ့နီးစပ်သူများက ဆိုကြသည်။