(မဇ္ဈိမ)။ ။စစ်ကိုင်းတိုင်း၊ မုံရွာမြို့ရှိ စစ်ကောင်စီတပ်ဖွဲ့ဝင်များစခန်းချတပ်စွဲနေသည့် မြို့တော်ခန်းမ အတွင်းသို့ ၄၀ မမ နှစ်လုံးဖြင့် မုံရွာခရိုင်တပ်ရင်း(၇)က ပစ်ခတ်တိုက်ခိုက်ခဲ့ကြောင်း သိရသည်။
ဇန်နဝါရီလ ၁ ရက်နေ့ နံနက် ၁၀ နာရီ ၁၅ မိနစ်အချိန်တွင် တိုက်ခိုက်ခဲ့ခြင်းဖြစ်ပြီး ထိခိုက်သေဆုံးမှု အခြေအနေကို မသိရသေးကြောင်း မုံရွာခရိုင်တပ်ရင်း(၇)သတင်းနှင့်ပြန်ကြားရေးတာဝန်ရှိသူကပြော သည်။
“ကျနော်တို့ ဖော်ဆောင်ခဲ့တဲ့မစ်ရှင်က မြို့လယ်ခေါင်ဖြစ်တဲ့အတွက် အန္တရာယ်တော့ တော်တော်လေး များခဲ့တယ်။ မြို့တော်ခန်းမအနီးမှာက အရပ်ဝတ်စစ်သားတွေကလည်း တော်တော်လေးများတယ်ဗျ။ အဲဒီလို အခြေအနေမျိုးမှာ ကံကောင်းစွာနဲ့ ကျနော်တို့ အခွင့်အရေးရခဲ့တယ်။ ၄၀ မမ နှစ်လုံးကို ကျနော်တို့ ဆက်တိုက်ပစ်ခဲ့ရတယ်။
ခွေး(စစ်ကောင်စီတပ်)ဘက်က အသေဆုံးတော့ ရှိနိုင်တယ် ၊ အတည်ပြုလို့တော့ မရသေးဘူး” ဟု ၎င်းက ဆိုသည်။
မုံရွာ ခရိုင်တပ်ရင်း(၇) Lighting PDF အနေဖြင့် မြို့တွင်းမစ်ရှင်များကို ဆက်လက်ဖော်ဆောင်ရန် ရှိသည့် အတွက် ပြည်သူများအနေဖြင့် စစ်ကောင်စီတပ်စခန်းများနှင့် ၎င်းတို့၏အနီးတဝိုက်တွင် သွားလာခြင်း မပြုရန် သတိပေးထားသည်။
စာတည်း။ ။ဖူးသိမ်ကျ
စာမူတည်းဖြတ်။ ။စောဖေ