အမျိုးသားညီညွတ်ရေး အစိုးရ

· ၂၀၂၃ ခုနှစ်သည် တိုင်းပြည်အတွက် အရေး ကြီး သော နှစ်ဖြစ်ပြီး၊ စစ်ကောင်စီကို တော်လှန်ရေးအတွက် အင်အား စု အားလုံး ညီညီညွတ်ညွတ်တိုက်ပွဲဝင်ကြရန်နှင့် သွေးခွဲမှုကို နားမ ယောင် ကြ ရန် အမျိုးသား ညီညွတ်ရေးအစိုးရယာယီသမ္မတကြီးဒူးဝါးလရှီးလကနှစ်သစ်ကူးမိန့်ခွန်းတွင် ထည့်သွင်း တိုက်တွန်း ပြောဆိုထားသည်။

· စစ်အာဏာရှင်ကို တော်လှန်ရန် တိုင်းရင်းသားတော်လှန်ရေးတပ်ဖွဲ့များ အား လုံး နှင့် စကားပြောထားပြီး လက်တွဲ ဆောင်ရွက်နေကြောင်း၊ ကုလသမဂ္ဂ နှင့် နိုင်ငံတကာတွင် စစ်ကောင်စီရှုံးနိမ့်နေပြီး ရွေးကောက်ပွဲ ကျင်းပ ထွက်ပေါက် ရှာရန်ကြိုးပမ်းနေကြောင်း၊ သမ္မတကြီးက ထောက်ပြပြောဆိုသည်။

· ပြည်သူလူထုသည်ဒုက္ခဆင်းရဲဖြင့် ကြုံကြိုက်သည့်တိုင် မိမိတို့၏သံဓိဌာန် အတိုင်း မြဲမြံစွာ လုပ်ဆောင်တတ် သည့် စိတ်ဓာတ်ကို ကမ္ဘာသိအောင်ပြနိုင်ခဲ့ပြီဖြစ်ကြောင်း ယင်းကဲ့သို့ ပြည်သူများရှိသည်ဟု သိရသည့် အတွက် အင်အားဖြစ်ရသလို အလုပ်များလည်း ပိုလုပ်နိုင်ရန် ကြိုးပမ်းဖြစ်ကြောင်း ပြည်ထောင်စု လွှတ်တော်ကိုယ်စားပြုကော်မတီ(CRPH) ဥက္ကဋ္ဌ ဦးအောင်ကြည်ညွန့်မှ နိုင်ငံတကာနှစ်သစ်ကူးနေ့ ဆုတောင်း စကားတွင် ထည့်သွင်းပြောဆိုသည်။

တော်လှန်ရေး လှုပ်ရှားမှုများ

· စစ်ကိုင်းတိုင်း၊ မော်လိုက်မြို့နယ်တွင် စစ်တပ်က အသက် ၇ နှစ်အရွယ်ကလေး ငယ် ၁ ဦး အပါအဝင် ပြည်သူ ၄ ဦးကို ညှဉ်းပန်းပစ်ခတ်သတ်ဖြတ်သွားကြောင်း ဒေသပြည်သူများက ပြောသည်။

· စစ်ကိုင်းတိုင်း ယင်းမာပင်ခရိုင် ကနီမြို့နယ်ရှိကျေးရွာတစ်ရွာတွင် လူထုနှင့်အတူ ယင်းမာပင်၊ဆားလင်းကြီး ရွာပေါင်းစုံ သပိတ်ကော်မတီဝင်များ၊သွေးမအေးတဲ့ရွှေနွယ်သွေးသပိတ်ကော်မတီဝင်တို့ ပူးပေါင်းကာ စစ်အာဏာရှင်အလိုမရှိကြောင်းဆန္ဒပြခဲ့ကြသည်။

· ယင်းမာပင်-ဆားလင်းကြီး ရွာပေါင်းစုံ သပိတ် စစ်ကြောင်း ဦးဆောင်ကာ ယနေ့ ဇန်နဝါရီလ ၁ ရက်နေ့တွင် ဖက်ဆစ် စစ်တပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

· စစ်ကိုင်းတိုင်း ယင်းမာပင်ခရိုင် ကနီမြို့နယ်ရှိကျေးရွာတစ်ရွာတွင် လူထုနှင့်အတူ ယင်းမာပင်၊ဆားလင်းကြီး ရွာပေါင်းစုံ သပိတ်ကော်မတီဝင်များ၊သွေးမအေးတဲ့ရွှေနွယ်သွေးသပိတ်ကော်မတီဝင်တို့ ပူးပေါင်းကာ စစ်အာဏာရှင်အလိုမရှိကြောင်းဆန္ဒပြခဲ့ကြသည်။

· စစ်ကိုင်းတိုင်း၊ မင်းကင်းမြို့နယ်၊ မတောရွာနှင့် လက်ပံဆိပ်ကျေးရွာကို စစ် တပ်က ယနေ့ နံနက်ပိုင်း မီးတင်ရှို့နေကြောင်း ဒေသပြည်သူများက ပြောသည်။

· ယင်းမာပင် မြောက်ခြမ်း ရွာပေါင်းစုံ သပိတ် စစ်ကြောင်း ဦးဆောင်ကာ ယနေ့ ဇန်နဝါရီ ၁ ရက်နေ့တွင် စစ်အာဏာရှင် တော်လှန်ရေး ချီတက် ဆန္ဒပြခဲ့ကြသည်။

· စစ်ကိုင်းတိုင်း၊ မြင်းမူမြို့ပေါ် ဗိုလ်ချုပ်ကျောက်တိုင်အနီး စစ်သား ၃ ဦး မိုင်းဆွဲ ခံရပြီး ၂ ဦးသေဆုံးကြောင်း မြင်းခြံ Zero ပျောက်ကျားတပ်ဖွဲ့မှ ကိုသက်ကြီး က ပြောသည်။

· စစ်ကိုင်းတိုင်း၊ မုံရွာမြို့တွင် ၂၀၂၃ ခုနှစ် ဇန်နဝါရီလ ၁ ရက်နေ့ အရုဏ်ဦးအချိန် နှစ်သစ်အစတွင် စစ်အာဏာ ရှင် ဆန့်ကျင်ရေးအတွက် မုံရွာတော်လှန် လူငယ် များကွန်ရက်က စုပေါင်းချီတက်ကြသည်။

· စစ်ကိုင်းတိုင်း၊ မုံရွာမြို့တွင် ၂၀၂၃ ခုနှစ် ဇန်နဝါရီလ ၁ ရက်နေ့ အရုဏ်ဦးအချိန် နှစ်သစ်အစတွင် စစ်အာ ဏာရှင် ဆန့်ကျင်ရေးအတွက် မုံရွာတော်လှန်လူငယ်များကွန်ရက်က စုပေါင်းချီတက်ကြသည်။

· ရန်ကုန်တိုင်း၊ လှိုင်သာယာမြို့နယ်၊ ၂၀ ရပ်ကွက် မှ စစ်ကောင်စီခန့် အုပ်ချုပ် ရေးမှူး ရဲထွန်းဦး ပစ်ခတ်ခံရပြီး သေဆုံးသွားကြောင်း ဒေသပြည်သူများထံမှ သိရှိရသည်။

· ရန်ကုန်မြို့တော်တွင် ၂၀၂၃ ခုနှစ် ဇန်နဝါရီလ ၁ ရက်နေ့ ယနေ့နံနက် အစော ပိုင်း စစ်အာဏာရှင်ဆန့်ကျင် ရေးရန်ကုန်အင်အားစုက စစ်အာဏာရှင် တော် လှန် ရေးနှင့် အကြမ်းဖက် မင်းအောင်လှိုင် ပြုတ်ကျရေး ပိုစတာချိတ်ဆွဲ၍ နှစ်သစ်အစကို ဖွင့်လှစ် လှုပ်ရှားကြသည်။

· တနင်္သာရီတိုင်း၊ တနင်္သာရီမြို့နယ်တွင် အကြမ်းဖက်စစ်သားများ တပ်စွဲထား သည့် နေရာ နှစ်ခုကို ဝင် ရောက်တိုက်ခိုက်ခဲ့ရာ စစ်သား ၇ ဦးသေဆုံးခဲ့ပြီး သေ နတ် ၁ လက်ရရှိကြောင်း မြိတ်ခရိုင် တပ်ရင်း ၂ မှတာဝန်ရှိသူတစ်ဦး ကပြောသည်။

· မန္တလေးတွင် တော်လှန်လူငယ်များ ဦးဆောင်ကာ ယနေ့ ဇန်နဝါရီလ ၁ ရက်နေ့တွင် စစ်အာဏာရှင် တော်လှန်ရေး လှုပ်ရှားမှု ပြုလုပ်ခဲ့ကြောင်း သိရသည်။

· မန္တလေးမြို့တွင် ယမန်နေ့ညက ဘီယာဆိုင်အတွင်း လူငယ်တစ်စုစကားရန်ဖြစ်နေစဥ် စစ်ကောင်စီတပ်ဖွဲ့ရောက်လာပြီး သေနတ်ဖြင့်ပစ်ခတ်ရာ တစ်ဦးသေဆုံးခဲ့ကြောင်း သတင်းရရှိသည်။

· ပဲခူးတိုင်း၊ သဲကုန်းမြို့နယ်တွင် စစ်အာဏာရှင် ဆန့်ကျင်ရေး ပိုစတာ လာဖြုတ် သည့် ရဲတပ်ဖွဲ့ဝင် ၃ ဦး မိုင်းထိပြီး ၁ ဦး သေဆုံးသွားကြောင်း ပဲခူးတိုင်း PDF မှ တာဝန် ရှိသူတစ်ဦးက ပြောသည်။

· ပဲခူးမြို့တွင် စစ်ကောင်စီတပ်ဖွဲ့များ ရှိသည့် နေရာ သုံးနေရာကို ဒီဇင်ဘာလ ၃၁ ရက်က နန်းထိုက်အောင် စစ်ဆင်ရေးအဖြစ် တိုက်ခိုက်ခဲ့ကြောင်း ပဲခူးတိုင်းစစ်ဒေသ(People Defence Force- Bago) က ထုတ်ပြန်ထားသည်

· ကချင်ပြည်နယ် ဖားကန့်မှော်လှည့် သပိတ်စစ်ကြောင်းက ယနေ့ ဇန်နဝါရီ ၁ ရက်နေ့တွင် ပြည်သူများ စုပေါင်း၍ အကြမ်းဖက် ဖက်ဆစ် စစ်အာဏာရှင် ဆန့်ကျင်ရေး ကြွေးကြော်ချီတက်ဆန္ဒပြကြသည်။

· တောင်ကိုရီးယားနိုင်ငံ၊ ဂယောင်ဂျူးမြို့တွင် နှစ်သစ်ကူး နှစ်ဦးဆုတောင်းဆန္ဒပြပွဲကို ယနေ့ ဇန်နဝါရီ ၁ ရက်နေ့တွင် ကျင်းပခဲ့ကြသည်။

· မြန်မာနိုင်ငံတစ်ဝန်းရှိ CDM ဆရာဝန်များကို အကြမ်းဖက်စစ်ကောင်စီက အငြိုးတကြီးဖြင့် လိုက်လံ ဖမ်းဆီးခိုင်းနေကြောင်း နေပြည်တော်ကျန်းမာရေး သတင်းရင်းမြစ်ကို ကိုးကား၍ ရန်ကုန်ခေတ်သစ်တွင် ရေးသားထားသည်။

· တနင်္သာရီတိုင်း ၊ ထားဝယ်ခရိုင် ၊ လောင်းလုံးမြို့နယ်တွင် ဒီဇင်ဘာလ ၃၁ ရက် ညပိုင်းက "အကြောက်တရားကို ခွန်အား အဖြစ် ပြောင်းလဲကြ " ခေါင်းစဉ်ဖြင့် စစ်အာဏာရှင် စနစ် ဆန့်ကျင်ရေး ညသပိတ် လှုပ်ရှားမှု ပြုလုပ်ခဲ့ကြောင်း ဦးဆောင်သူများထံက သိရသည်။

တိုင်းရင်းသား လက်နက်ကိုင်များ

· အကြမ်းဖက်စစ်ကောင်စီသည် တိုင်းရင်းသားတော်လှန်ရေးအဖွဲ့အစည်းများ၏ ရန်သူသာမဟုတ်ဘဲ ပြည်သူတစ်ရပ်လုံး၏ ရန်သူဖြစ်ခြင်းကြောင့် ရန်သူကိုရန်သူလို ပြတ်ပြတ်သားသားသတ်မှတ်ပြီး ချေမှုန်းသွားမည်ဖြစ်ကြောင်း ကချင်လွတ်လပ်ရေးအဖွဲ့ချုပ် (KIO) ဥက္ကဌ ဗိုလ်ချုပ်ကြီးအင်ဘန်လက ဇန်နဝါရီ ၁ ရက်နေ့ နှစ်သစ်ကူးမိန့်ခွန်းတွင် ထည့်သွင်းပြောဆိုထားသည်။

· နွေဦးတော်လှန်ရေးကို ဘေးကလက်ပိုက် ရပ်ကြည့်နေခဲ့သူများ မဟုတ်ကြောင်း ULA/AA ဒုတိယစစ်ဦးချုပ် ညိုထွန်းအောင်က ပြောကြားသည်။

စစ်ကောင်စီ

· တပ်၏ စစ်ရေးဆိုင်ရာလှုပ်ရှားမှုများကို ၂၀၂၃ ခုနှစ်၊ ဇန်နဝါရီ ၁ ရက်နေ့မှ ဒီဇင်ဘာလ ၃၁ ရက်နေ့အထိ ထပ်မံတိုးမြှင့်ရပ်စဲလိုက်ကြောင်း စစ်ကောင်စီ ကာကွယ်ရေးဦးစီးချုပ်ရုံးက ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးအတွက် ကြေညာချက်ထုတ် ပြန်သည်။

· တိုင်းပြည်ကို မူလအခြေအနေအတိုင်း အေးချမ်းစေရန် ဆောင်ရွက်နေကြောင်း အကြမ်းဖက်အာဏာလု မင်းအောင်လှိုင်ကပြောသည်။

· တစ်နိုင်ငံလုံး နေရာအနှံ့ ရွေးကောက်ပွဲကျင်းပနိုင်ရန် လုပ်နေကြောင်း အကြမ်းဖက်အာဏာလု မင်းအောင်လှိုင်ကပြောသည်။

ဇန်နဝါရီ ၁ ရက် သုံးသပ်ချက်

· အမျိုးသားညီညွတ်ရေးအစိုးရ၏ မိန့်ခွန်းများ တိုင်းရင်းသား လက်နက်ကိုင်တော်လှန်ရေးအဖွဲ့မှ ခေါင်း ဆောင်များ ၏ မိန့်ခွန်းများအရ လာမည့်နှစ်တွင် အကြမ်းဖက်အာဏာလုပ်မင်းအောင်လှိုင် ခေါင်းဆောင် သည့် စစ်အုပ်စုကို သံတမန်ရေး၊စစ်ရေး၊စီးပွားရေးများအရ ဘက်ပေါင်းစုံမှ ပြင်းပြင်ထန်ထန် တိုက်ခိုက် လာနိုင်ဖွယ်ရှိနေသည်။

· မင်းအောင်လှိုင်တို့စစ်အုပ်စု အာဏာသိမ်းပြီးနောက် လက်နက်ကိုင်တိုင်းရင်းသားအဖွဲ့တချို့အပါအဝင် တစ်နိုင်ငံလုံးမှပြည်သူများသည် ရရာလက်နက်စွဲကိုင်တော်လှန်နေသော်လည်း အလုပ်မဖြစ်သည့် အပစ် ခတ် ရပ်ဆဲရေး ထုတ်ပြန်ကြေညာသည်။စစ်အုပ်စုသည် အရေးနိမ့်လာပြီး အကျပ်အတည်းဖြစ်လာပြီဆို လျှင် အပစ်အခတ်ရပ်စဲကြောင်း အမြဲကြေညာသည် ၎င်းတို့အရေးသာပြီဆိုလျှင် ယင်းကတိများ အလွယ်တကူ ချိုးဖောက်တတ်သည့် အကျင့်ဆိုးရှိသော် လူ့အဖွဲ့အစည်းဟု ဆိုရမည်ဖြစ်သည်။ ၎င်းတို့၏ ကတိစကားကို ယုံနေသည့် တိုင်းရင်းသားလက်နက်ကိုင်တချို့အနေဖြင့် ရှေ့ကဖြစ်ခဲ့သည့် သာဓကများ ကြည့်၍ သင်္ခန်းစာယူရမည်ဖြစ်သည်။