ဒီဇင်ဘာလ ၃၀ ရက်
ကချင်ပြည်နယ်၊ ဖားကန့်ဒေသတွင် စစ်ကောင်စီတပ်၏ လက်နက်ကြီးကျည် ကျရောက်ပေါက် ကွဲပြီး ငါးဦးထက်မနည်း ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။
ဖားကန့်မြို့နယ် လုံးခင်းကျေးရွာအုပ်စု၊ ဆန်ခါကျေးရွာအတွင်းသို့ ယနေ့ ဒီဇင်ဘာလ ၃၀ ရက် မွန်းလွဲ ၂ နာရီဝန်းကျင်က မဇွပ်ယန်အချုပ်ထောင်အား လုံခြုံရေးယူပေးနေသည့် စစ်ကောင်စီတပ်ဖွဲ့ဝင်များမှ ပစ်ခတ်ခဲ့ခြင်းဖြစ်ကြောင်း သတင်းရင်းမြစ်များက ဆိုသည်။
“ပထမတစ်ချက်က ရွာထဲကိုကျတယ်။ နောက်တစ်ချက်ကလည်း ရွာထဲကကက်သလစ်ဘုရားရှိခိုး ကျောင်းကိုမှန်တယ်။ အဲဒီမှာက ဆရာမရောကလေးတွေပါ ထိကုန်တယ်”ဟု ဆန်ခါကျေးရွာသား တစ်ဦး က ပြောသည်။
လက်နက်ကြီးကျည် ကျရောက်ပေါက်ကွဲမှုကြောင့် ကလေးသူငယ်နှင့်သက်ကြီးရွယ်အိုများ ထိခိုက်ခဲ့ပြီး ဒဏ်ရာရသူများအား လူမှုကူညီရေးအသင်းများ၏ကူညီမှုဖြင့် ဖားကန့်ဆေးရုံသို့ ပို့ဆောင်ကုသနေပြီဖြစ် ကြောင်း သိရသည်။
ဖားကန့်ဒေသရှိ မဇွပ်ယန်အချုပ်ထောင်မှ စစ်ကောင်စီတပ်များက ယခုဒီဇင်ဘာလ လဆန်းပိုင်းမှစပြီး လက်နက်ကြီးများဖြင့် ကျေးရွာဘက်သို့ မကြာခဏဆိုသလို ရမ်းသန်းပစ်ခတ်နေခြင်းကြောင့် ဒေသခံများ ထိခိုက်မှုများ ဖြစ်ပေါ်နေခြင်း ဖြစ်သည်။
စာတည်း။ ။စောဖေ
စာမူတည်းဖြတ်။ ။စောဖေ