တရုတ်၏အကြီးဆုံးမြို့ဖြစ်သောရှန်ဟိုင်းတွင်ကိုဗစ်ရောဂါဖြစ်ပွားမှုမြင့်တက်လာချိန်တွင်ကျောင်းအများစုကို အွန်လိုင်းဖြင့်သင်ကြားရန် အမိန့်ထုတ်ပြန်လိုက်သည်။
မူကြိုကျောင်းများနှင့်ကလေးထိန်းစင်တာများကိုလည်းဒီဇင်ဘာ၁၉ရက်မှစ၍ပိတ်လိုက်ကြောင်းရှန်ဟိုင်းပညာရေးဗျူရိုကပြောကြားခဲ့သည်။
ကိုဗစ်လုံးဝကင်းစင်ရေးမဟာဗျူဟာကိုပစ်မှတ်ထားသည့်ဆန္ဒပြမှုများကြောင့်ဒီဇင်ဘာလအစောပိုင်းတွင်တရုတ်အာဏာပိုင်များကကန့်သတ်ချက်များကိုဖြေလျှော့ပေးခဲ့သည်။
တင်းကျပ်သည့်ပိတ်ဆို့အရေးယူမှုကိုဖြေလျှော့ခြင်းကြောင့်တရုတ်တွင်ကိုဗစ်ပျံ့နှံ့မှုအပေါ်စိုးရိမ်မှုများတိုးလာခဲ့သည်။
ဧပြီလကနောက်ဆုံးကိုဗစ်လှိုင်းထက်ကူးစက်မှုအရေအတွက်ပိုများလာခဲ့သည်။
နိုင်ငံတစ်ဝန်းတွင်ယာယီကျန်းမာရေးဌာနများနှင့်အထူးကြပ်မတ်ကုသရေးဌာနများတိုးချဲ့နေခြင်းနှင့်အတူဆေးရုံ များနှင့်ဆေးဘက်ဆိုင်ရာအဆောက်အအုံများမှာအလုပ်များနေသည်။.
ရှန်ဟိုင်းတွင်ထပ်တိုးကုတင်ပေါင်း၂၃၀,ဝဝဝခန့်ရှိလာပြီဖြစ်သည်။
ဆရာမများနှင့်ဝန်ထမ်းများနေမကောင်းခြင်းကြောင့်မြို့အတွင်းရှိကျောင်းအချို့တွင်လူကိုယ်တိုင်သင်ကြားခြင်းများရပ်နားထားသည်။