ဒီဇင်ဘာလ ၂၁ ရက်
မန္တလေးမြို့၊ မဟာမုနိဘုရားကြီး သာသနာ ၅၀၀၀ ဝင်း(၄၅တာကွင်း)တွင် ယနေ့ ဒီဇင်ဘာလ ၂၁ ရက်နေ့ မွန်းလွဲပိုင်းက CRPH ၊ NUG၊ PDF ရှုတ်ချကြောင်းနှင့် အာဏာသိမ်း စစ်ကောင်စီ တပ်ထောက်ခံပွဲပြုလုပ်ခဲ့ကြောင်း သိရသည်။
သံဃာတော်အချို့၊ အမျိုးသားရေးတက်ကြွလှုပ်ရှားသူများ၊ ပျူစောထီးအဖွဲ့ဝင်များနှင့် ပြည်ခိုင်ဖြိုးပါတီဝင်များပူးပေါင်းလုပ်ဆောင်ခြင်းဖြစ်ပြီး ဦးဝီရသူကြွရောက်ဟောပြောခဲ့ကြောင်း သိရသည်။
အဆိုပါ ၄၅ တာကွင်းအား စစ်ကောင်စီတပ်၏ အရပ်ဝတ်လက်နက်ကိုင်များက လုံခြုံရေးယူပေးထားပြီး အပြင်လူများ ဝင်ရောက်ခွင့်တားဆီးထားခဲ့ကြောင်းလည်း သိရသည်။
ထိုကဲ့သို့ထောက်ခံပွဲများကို မန္တလေး၌ မြို့နယ်အလိုက်ပြုလုပ်သွားရန် အမျိုးသားရေးတက်ကြွလှုပ်ရှားသူ များနှင့် ပြည်ခိုင်ဖြိုးပါတီဝင်အမာခံများက ရပ်ကွက်အသီးသီးတွင် စည်းရုံးနေကြောင်းလည်း သိရသည်။
စာတည်း။ ။ဖူးသိမ်ကျ
စာမူတည်းဖြတ်။ ။စောဖေ
