ပါကစ္စတန်နိုင်ငံတွင် အကြမ်းဖက်မှုလုပ်ရပ်များ ရုတ်တရက် မြင့်တက်လာခြင်းနှင့် ပြည်တွင်း ဝရုန်းသုန်းကားအခြေအနေများ ရှိနေခြင်းနှင့် ပတ်သက်ပြီး နိုင်ငံတကာအသိုင်းအဝိုင်းက စိုးရိမ်ပူပန်ကြောင်း ထုတ်ဖော်ခဲ့သည်။
ပါကစ္စတန်၏ ပြည်တွင်း ဝရုန်းသုန်းကား အခြေအနေက ပြီးဆုံးမည့် လက္ခဏာ ပြသခြင်း မရှိဘဲ ထိုအခြေအနေက အကြမ်းဖက်မှုနှင့်ပတ်သက်ပြီး အစိုးရ၏ ချီတုံချတုံဖြစ်နေသော အာရုံစိုက်မှုကို လမ်းကြောင်း ပြောင်းစေခဲ့ကြောင်း အခွင့်အရေးနှင့် လုံခြုံရေးဆိုင်ရာ နိုင်ငံတကာဖိုရမ် (IFFRAS) က ပြောသည်။
အခွင့်အရေးနှင့် လုံခြုံရေးဆိုင်ရာ နိုင်ငံတကာဖိုရမ် (IFFRAS) သည် ကနေဒါနိုင်ငံ တိုရွန်တိုမြို့တွင် အခြေစိုက်သည့် အကျိုးအမြတ်မယူသည့် လွတ်လပ်သော နိုင်ငံတကာ think-tank (နိုင်ငံရေး၊ စီးပွားရေး၊ လူမှုရေးအကြံပေးအဖွဲ့) တစ်ခုဖြစ်သည်။
ပါကစ္စတန်တွင် အကြမ်းဖက်မှုများ မြင့်တက်လာသည့် အလားအလာနှင့်ပတ်သက်ပြီး စိုးရိမ်ပူပန်ကြောင်း ကုလသမဂ္ဂက အစောပိုင်းတွင် ထုတ်ဖော်ခဲ့သလို စည်းလုံးညီညွတ်စွာဖြင့် ကူညီပေးမည်ဟု အမေရိကန်ကလည်း ကတိပြုသည်။
တီရစ်-အီ-တာလီဘန် ပါကစ္စတန်အဖွဲ့သည် အစိုးရနှင့် သဘောတူထားသော အပစ်ရပ်စဲမှု စာချုပ်ကို နိုဝင်ဘာ ၂၈ ရက်က ဖျက်သိမ်းခဲ့သည်။