ပါကစ္စတန်နိုင်ငံ ဘာလိုချီစတန်ပြည်နယ် ဂွာဒါဆိပ်ကမ်းမြို့တွင် ပင်လယ်ရေနက်ပိုင်း တရားမဝင် ငါးဖမ်းခြင်းကို ဆန့်ကျင်သည့် ဆန္ဒပြမှုများ ဆက်လက်ပေါ်ပေါက်လျက် ရှိပြီး ဆန္ဒပြသူများသည် “ဂွာဒါကို ရပိုင်ခွင့်များ ပေးပါ” ဆိုသည့် ခေါင်းစဉ်အောက်တွင် ဆန္ဒပြမှုများ လုပ်ဆောင်နေခြင်းဖြစ်ကြောင်း Geo-politik က ဖော်ပြသည်။
လုံခြုံရေးစစ်ဆေးရေးဂိတ်များ၌ ဒေသခံများ၏ အနှောင့်အယှက်ပေးမှုများ ရှိနေသည်ကို ကြည့်မည်ဆိုပါက ထိုဒေသတွင် ဖွံ့ဖြိုးတိုးတက်ရေးနှင့်ပတ်သက်ပြီး အာဏာပိုင်တို့ပေးထားသော ကတိကဝတ်များ ပျက်ကွက် နေမှုအပေါ် ဒေသခံပြည်သူများ စိတ်ပျက်လက်ပျက်ဖြစ်နေကြောင်းကို ပြသနေသည်။
ဆန္ဒပြသူများက ၎င်းတို့၏ အသက်မွေးဝမ်းကျောင်းများ ဖျောက်ဖျက်ခံလိုက်ရပြီဟု ယုံကြည်နေကြသလို ပစ်ပယ်ခံ ထားရသကဲ့သို့လည်း ခံစားနေကြရသည်။
လက်ရှိ ဆန္ဒပြနေကြသည့် ငါးဖမ်းသမားများနှိင့်အတူ တစ်သားတည်း ရှိသည်ဟု ဂျမတ်-အီ-အစ္စလမ္မီ ဘာလူချီစတန်ပါတီ၏ အထွေထွေ အတွင်းရေးမှူး မော်လာနာ ဟိုင်ဒါယက် အူရ် ရာမန်က ပြောကြောင်း Geo-politik က ဖော်ပြသည်။
ဂွာဒါရှိ လူဦးရေ၏ ၉၀ ရာခိုင်နှုန်းသည် ငါးဖမ်းသမားများဖြစ်ကြောင်း မော်လာနာ ဟိုင်ဒါယက် အူရ် ရာမန်က ပြောသည်။