(မဇ္ဈိမ) ။ ။ ပြည်တွင်းရှိ ရွှေ၊ ဒေါ်လာ၊ စက်သုံးဆီ နှင့် စားအုန်းဆီ များ၏ ယနေ့ ဒီဇင်ဘာလ ၁၃ ရက် ရည်ညွှန်းဈေးနှုန်းများနှင့် ပြင်ပပေါက်ဈေးများအား အောက်ပါအတိုင်းစုစည်းဖော်ပြထားပါသည်။

ထို့အပြင် ယခင်ရက်မှ ဈေးနှုန်းများနှင့် နှိုင်းယှဉ်၍ ဈေးနှုန်းကွာခြားချက်များကိုလည်း ထည့်သွင်းဖော်ပြထားသည်။

-အခေါက်ရွှေဈေးနှုန်း

ရန်ကုန်တိုင်း ရွှေလုပ်ငန်းရှင်များအသင်းရုံး (YGEA) ၏ ရည်ညွှန်းဈေးမှာ

အခေါက်ရွှေ ၁ ကျပ်သားလျှင် ၂,၁၀၂,၉၀၀/- ကျပ် (နှစ်ဆယ့်တစ်သိန်းနှစ်ထောင့်ကိုးရာကျပ်)ဖြစ်ပြီး၊ စစ်ကောင်စီ၏ ပြင်ပအခေါက်ရွှေ သတ်မှတ်ဈေးမှာ ၂,၅၃၀,၀၀၀/- ကျပ်(ကျပ်နှစ်ဆယ့်ငါးသိန်းသုံးသောင်း)ဖြစ်ပြီး၊ပြင်ပအခေါက်ရွှေ ပေါက်ဈေးမှာ ၂,၆၆၀,၀၀၀/-ကျပ် (ကျပ်နှစ်ဆယ့်ခြောက်သိန်းခြောက်သောင်း)ဖြင့် အရောင်းအဝယ်ပြုလုပ်ကြကြောင်းသိရသည်။

ယမန်နေ့ ဒီဇင်ဘာလ ၁၂ရက်နေ့ က ပြင်ပ အခေါက်ရွှေဈေးနှုန်းဖြင့်သာ အရောင်းအဝယ်ပြုလုပ်ကြောင်း သိရသည်။

-ဒေါ်လာ

စစ်ကောင်စီလက်အောက်ခံ ဗဟိုဘဏ် ၏ ရည်ညွှန်းသတ်မှတ်စျေးမှာ အမေရိကန် တစ်ဒေါ်လာလျှင် ၂,၁၀၀ကျပ်ဖြစ်ပြီး၊ ပြင်ပဒေါ်လာဈေးကွက်တွင် အမေရိကန်တစ်ဒေါ်လာလျှင် ၂,၇၀၀ ကျပ်ဖြင့် အရောင်းအဝယ်ပြုလုပ်ကြကြောင်း သိရသည်။

ယမန်နေ့ ဒီဇင်ဘာလ ၁၂ရက်နေ့ ပြင်ပဒေါ်လာဈေးနှုန်းဖြင့် နှိုင်းယှဉ်ကြည့်ပါက ၁၀၀ကျပ် မြင့်တက်သွားကြောင်း သိရသည်။

-စက်သုံးဆီ

ဓာတ်ဆီ 92 - တစ်လီတာ ၁,၇၉၅ ကျပ်

ဓာတ်ဆီ 95 - တစ်လီတာ ၁,၈၈၅ ကျပ်

ဒီဇယ် - တစ်လီတာ ၂,၁၃၀ကျပ်

ပရီမီယံ ဒီဇယ် - တစ်လီတာ ၂,၂၀၅ ကျပ်

အဆိုပါဈေးနှုန်းများမှာ စစ်ကောင်စီ ၏ စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ ၏ ရည်ညွှန်းဈေးဖြစ်ပြီး သယ်ယူပို့ဆောင်မှု စရိတ်အပေါ် မူတည်၍ ဈေးနှုန်းကွာဟမှုများ ရှိနိုင်ပြီး ဝေးလံခေါင်ဖျားသည့် ဒေသများတွင်မှု စစ်ကောင်စီ၏ သတ်မှတ်ဈေးထက် ပို၍မြင့်တက်နေကြောင်း သိရသည်။

ယမန်နေ့ ဒီဇင်ဘာလ ၁၂ရက်နေ့ ဈေးနှုန်းများနှင့်နှိုင်းယှဉ်ကြည့်ပါက ဓာတ်ဆီဈေးနှင့် ဒီဇယ်ဆီဈေးများ ၅၀ ကျပ် မြင့်တက်နေခြင်းဖြစ်သည်။

-စားအုန်းဆီ

စစ်ကောင်စီ ၏ ဒီဇင်ဘာလ ၁၂ ရက်မှ

ဒီဇင်ဘာလ ၁၈ ရက်နေ့ အထိ စားအုန်းဆီ ရည်ညွှန်းလက်ကားသတ်မှတ်ဈေးမှာ တစ်ပိဿာလျှင် ၄,၅၁၅ ကျပ် ဖြစ်ပြီး၊ စားအုန်းဆီ ပြင်ပရောင်းဈေးမှာ တစ်ပိဿာလျှင် ၇,၀၀၀ကျပ်မှ ၉,၀၀၀ကျပ်ဝန်းကျင်အတွင်း ရောင်းချနေကြောင်းသိရသည်။

ယမန်နေ့ ဒီဇင်ဘာလ ၁၂ရက်နေ့ပြင်ပဈေးနှုန်းနှင့် နှိုင်းယှဉ်ကြည့်ပါက ကျပ် ၁,၀၀၀ ဝန်းကျင် ဈေးတက်သွားခြင်းဖြစ်သည်။