မဇ္ဈိမ။ ။တနင်္သာရီတိုင်း ထားဝယ်မြို့ပေါ်တွင် စစ်ကောင်စီ၏ဖမ်းဆီးခြင်းခံရသည့် ထားဝယ်ခရိုင် ကြက်ခြေနီတပ်ဖွဲ့မှူးဦးကိုကိုနိုင် ပြန်လည်လွတ်မြောက်လာပြီးဖြစ်ကြောင်း ထားဝယ်မြို့နယ် ကြက်ခြေနီ အသင်းခွဲထံမှ သိရသည်။
“ဦးကိုကိုနိုင် ပြန်လွတ်လာပါပြီ။ အခုလ ၂ ရက်နေ့က လွတ်လာတာဖြစ်ပါတယ်”ဟု မိသားစုဝင်တစ်ဦးက ပြောသည်။
ဦးကိုကိုနိုင်အား စစ်ကောင်စီက မည့်သည့်အတွက် ဖမ်းဆီးခဲ့ခြင်းနှင့် မည့်သို့ပြန်လည် လွတ်မြောက်လာ သည်ကိုမူ မိသားစုဝင်များနှင့်အသင်းအနေဖြင့် အသေးစိတ်ပြောဆိုရန် အဆင်မပြေကြောင်း ပြောဆိုထား သည်။
ဦးကိုကိုနိုင်အား ပြီးခဲ့သည့် နိုဝင်ဘာလ ၂၇ ရက်နေ့က အစည်းတစ်ခုသို့သွားစဉ် စစ်ကောင်စီတပ်ဖွဲ့က ဖမ်းဆီးခဲ့ခြင်း ဖြစ်သည်။
စာတည်း။ ။စောဖေ
စာမူတည်းဖြတ်။ ။စောဖေ
