မဇ္ဈိမ။ ။ရန်ကုန်တိုင်း၊ တောင်ဥက္ကလာပမြို့နယ်၊ ဝေဇယန္တာလမ်းနှင့် ဂန္ဓမာလမ်းထောင့်ရှိ စစ်ကောင်စီတပ် ကင်းတဲအား ဒီဇင်ဘာလ ၁ရက်နေ့ နေ့လယ် ၁နာရီ ၃၇မိနစ်အချိန့်တွင် ကာကွယ်ရေးတပ်ဖွဲ့က လက်ပစ်ဗုံးဖြင့် ပစ်ခတ်တိုက်ခိုက်လိုက်သည်ဟု သိရသည်။
"တစ်ကင်းမှာ နှစ်ကောင်( စစ်သားနှစ်ဦး) ရှိတယ်။ ကျနော်တို့ လက်ပစ်ဗုံးပစ်ခဲ့တဲ့ကင်းက လေးကောင်(စစ်သားလေးဦး) ရှိတယ်။ ပထမက ပြည်သူတွေရှိနေလို့ မပစ်ခဲ့ရဘူး။ အထိအခိုက်တော့ မသိရဘူး"ဟု Generation Y Guerrilla -GYG အဖွဲ့တာဝန်ရှိသူက ပြောသည်။
ထိုသို့ လက်ပစ်ဗုံးဖြင့် ပစ်ခတ်ရာတွင် စစ်ကောင်စီတပ်ဖွဲ့၏ ထိခိုက်မှု အခြေအနေကို မသိရှိရသေးပေ။
အောက်တိုဘာလ၂၁ရက်နေ့ကလည်း ရန်ကုန်တိုင်း၊လှိုင်မြို့နယ်၊သီရိမင်္ဂလာစျေးသစ်ရှေ့ရှိ KBZ Bank အား ကာကွယ်ရေးတပ်ဖွဲ့က အသံမိုင်းခွဲကာ သတိပေး တိုက်ခိုက်ခဲ့ကြောင်း သိရသည်။
စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး
