တရုတ်သမ္မတ ရှီကျင့်ဖျင်သည် တရုတ်ကွန်မြူနစ်ပါတီ၏ အကြိမ် ၂၀ မြောက် ညီလာခံ၌ တတိယသက်တမ်းရယူနိုင်ခဲ့ပြီးနောက် ယခုအခါ တရုတ်နိုင်ငံ၏ပုံရိပ်ကို မြှင့်တင်ရေးအတွက် ကမ္ဘာ့ခေါင်းဆောင်များနှင့် ဆက်ဆံရေး ပြန်လည်အသက်သွင်းရန် ဆန္ဒရှိနေကြောင်း The Hong Kong Post ကဖော်ပြသည်။ ကွန်မြူတစ်ပါတီညီလာခံအပြီး ရက်အနည်းငယ်အကြာတွင် ရှီသည် တန်ဇန်းနီးယား၊ ပါကစ္စတန်၊ ဗီယက်နမ်နှင့် ဂျာမနီခေါင်းဆောင်များနှင့် တွေ့ဆုံခဲ့သည်။ ဂျာမနီဝန်ကြီးချုပ် အိုလက်ဖ်ရှိုးဇ်သည် ၃ နှစ်အတွင်း တရုတ်နိုင်ငံသို့ လာရောက်လည်ပတ်သည့် ပထမဆုံး ဂျီ-၇ ခေါင်းဆောင် ဖြစ်လာသည်။
အိုလက်ဖ်ရှိုးဇ်သည် နှစ်နိုင်ငံကြား စီးပွားရေးပြန်လည်သင့်မြတ်ရေးအတွက် ဆွေးနွေးရန် တရုတ်နိုင်ငံသို့ အလျင်အမြန် ရောက်ရှိလာခဲ့သည်။ ခရီးစဉ်အပြီးတွင် တရုတ်က ရှီ၏ သဘောထားကို ညွှန်းဆိုကာ နိုင်ငံတကာ အသိုင်းအဝန်းသည် နျူကလီးယားစွမ်းအားကို အားကိုးအားထားပြုကာ ကန့်သတ်ချက်များကို ကျော်လွန်လု ပ်ဆောင် ကြလိမ့်မည်ဟု ကြေညာချက် ထုတ်ပြန်ခဲ့သည်။
ငြိမ်းချမ်းရေးဆွေးနွေးပွဲများ မြှင့်တင်ရန်နှင့် ဟန်ချက်ညီ၍ ထိရောက်ပြီး ရေရှည်တည်တံ့သော ဥရောပ လုံခြုံရေးမူဘောင်ကို တည်ဆောက်ရာတွင် အရေးပါသော အခန်းကဏ္ဍမှ ပါဝင်မည့် ဂျာမနီနှင့် ဥရောပတို့၏ ကြိုးပမ်းအားထုတ်မှုများကို တရုတ်နိုင်ငံက ထောက်ခံကြောင်းလည်း ရှီက ပြောကြားခဲ့သည်။
စက်တင်ဘာလကကျင်းပသော ရှန်ဟိုင်းပူးပေါင်းဆောင်ရွက်ရေးအဖွဲ့ ထိပ်သီးအစည်းအဝေး၌ ရှီကျင့်ဖျင်သည် နိုင်ငံအသီးသီးမှ ခေါင်းဆောင်များနှင့် တွေ့ဆုံခဲ့သည်။ ကပ်ရောဂါဖြစ်ပွားပြီးနောက် ရှီ၏ ပထမဆုံး ပြည်ပ ခရီးစဉ်လည်းဖြစ်သည်။ အရှေ့အလယ်ပိုင်းအတွက် ရှီ၏အရေးပါမှုကို ၎င်းခရီးစဉ်က ပြသခဲ့သည်။
ကာဇက်စတန်နှင့် ဥဇဘက်ကစ္စတန်တို့သည် တရုတ်နိုင်ငံ၏ ချစ်ကြည်ရင်းနှီးသော အိမ်နီးချင်းများ၊ ဘက်စုံမဟာဗျူဟာမြောက် မိတ်ဖက်များနှင့် ခါးပတ်လမ်းရပ်ဝန်းစီမံကိန်း၏ အရေးပါသော အဖွဲ့ဝင်များ ဖြစ်ကြောင်း The Hong Kong Post က ဆိုသည်။ ရှီသည် လာမည့်နှစ်များတွင် ဘုံကိစ္စရပ်များအပေါ် တရုတ်၏ရပ်တည်ချက်ကို ပြသရန်နှင့် အနောက်နိုင်ငံများနှင့် အေးစက်နေသော ဆက်ဆံရေးများ ပြေလည်စေရန် မျှော်လင့်ချက်ဖြင့် အရေးပါသော အခမ်းအနားများကို တက်ရောက်လိမ့်မည်ဟု မျှော်လင့်ရသည်။ ရှီကျင့်ဖျင်လက်လွတ်မခံမည့် နောက်ထပ်အစည်းအဝေးတစ်ခုမှာ ၂၀၂၃ ခုနှစ် စက်တင်ဘာလတွင် စတင်မည့် စဉ်ဆက်မပြတ်ဖွံ့ဖြိုးတိုးတက်မှုဆိုင်ရာ ကုလသမဂ္ဂ အဆင့်မြင့်ကိုယ်စားလှယ်အဖွဲ့ နိုင်ငံရေးဖိုရမ် (HLPF) ဖြစ်သည်။
ကပ်ရောဂါစတင်ဖြစ်ပွားမှုနှင့်ပတ်သက်၍ တရုတ်အပေါ် ဝေဖန်ချက်များနှင့် ပြင်းထန်သော ကိုဗစ်လုံးဝ ကင်းစင်ရေးမူဝါဒက လွန်ခဲ့သော ၂ နှစ်အတွင်း နိုင်ငံအား ကမ္ဘာ့အသိုက်အဝန်းနှင့် ဝေးကွာစေခဲ့သည်ဟု ရှီက ယူဆထားသည်။
