ပါကစ္စတန်နိုင်ငံ ခိုင်ဘာ ပက်ခ်တွန်ခဝါပြည်နယ် ဒီရာ အစ္စမေးလ်ခန်း ခရိုင် ဒါရာဇင်ဒါ ဧရိယာတွင် အောက်တိုဘာ ၂၉ ရက်က စစ်သားများနှင့် အကြမ်းဖက်သမားများအကြား ထိပ်တိုက်တွေ့ ပစ်ခတ်မှု ဖြစ်ပွားခဲ့ရာ စစ်သား ၂ ဦး သေဆုံးခဲ့သည်။
ပါကစ္စတန် စစ်တပ်မှ တပ်ဖွဲ့ဝင်များသည် အကြမ်းဖက်သမားများ၏ တည်နေရာကို ထိရောက်စွာ စစ်ကြောင်းထိုး တိုက်ခိုက်ခဲ့ကြောင်း စစ်တပ်၏ ဌာနပေါင်းစုံ ဆက်ဆံရေး ဌာန (ISPR) က သတင်းထုတ်ပြန်သည်။
ကျဆုံးသွားသည့် စစ်သားများမှာ ခူရှာ့ဘ် ဒေသမှ အသက် ၃၃ နှစ်ရှိ တပ်ကြပ် ဆာဂျစ် ဟူစိန်နှင့် အက်တော့ခ် ဒေသမှ အသက် ၂၆ နှစ်ရှိ တပ်သား မိုဟာမက် အစ်ရာတို့ ဖြစ်သည်။
စစ်တပ်သည် အဆိုပါ ဧရိယာတွင် အကြမ်းဖက်သမားများကို ချေမှုန်းသုတ်သင်ရန် နယ်မြေရှင်းလင်းမှုကို လုပ်ဆောင်လျက် ရှိသည်။
