မန္တလေးတိုင်း၊ မတ္တရာမြို့နယ်၊ ငယ်တိုးကျေးရွာ မီးလင်းရေး ကော်မတီ ဥက္ကဋ္ဌသည် အောက်တိုဘာလ ၃၁နေ့ရက်က အသတ်ခံခဲ့ရပြီးနောက် မီးလင်းရေးကော်မတီ ဥက္ကဋ္ဌများ နုတ်ထွက်နေကြကြောင်း သိရသည်။
"ရွာ မီးလင်းရေးကော်မတီအများစုက အုပ်ကြီးတွေပဲ။ စစ်ဗိုလ်တွေခိုင်းတာ လုပ်ပေးနေကြတာ။ အသတ်ခံရမှာ ကြောက်ပြီး ထွက်တာပေါ့ဗျာ"ဟုဒေသခံတစ်ဦးက ပြောသည်။
ကျေးရွာမီးလင်းကော်မတီ ဥက္ကဋ္ဌများ အသီးသီး နုတ်ထွက်စာ တင်သော်လည်း စစ်ကောင်စီက နုတ်ထွက်ခွင့်မပြုဘဲ ထွက်စာတင်ပါက ပစ်သတ်မည်ဟု ခြိမ်းခြောက်ကြောင်းလည်း မီးလင်းရေးကော်မတီဥက္ကဋ္ဌ၏ မိတ်ဆွေတစ်ဦးက ဆိုသည်။
မတ္တရာမြို့နယ်အတွင်းမှ ကျေးရွာ ဥက္ကဋ္ဌများနှင့်မီးလင်းရေးကော်မတီ ဥက္ကဋ္ဌများ ၂၀ဦးထက် မနည်း နိုင်ဝင်ဘာ ၅ ရက်က နုတ်ထွက်စာများတင်ခဲ့ကြောင်း သိရသည်။
စာတည်း။ ။ ဖူးသိမ်ကျ
စာမူတည်းဖြတ် - သန့်ဇော်(သန်လျင်)
