ကချင်ပြည်နယ်၊ ဖားကန့်မြို့နယ်တွင် (၆၂) နှစ်မြောက်၊ KIO နှစ်ပတ်လည်အထိမ်းအမှတ်ပွဲ အကြိုပြုလုပ်နေစဉ် စစ်ကောင်စီတပ်၏လေကြောင်းတိုက်ခိုက်မှုကြောင့် အောက်တိုဘာလ ၂၃ ရက် ညပိုင်းတွင် လူအများအပြားသေဆုံးခဲ့သည်။
တိုက်ခိုက်ခံရမှုကြောင့် ကချင်တိုင်းရင်းသား နာမည်ကြီးအနုပညာရှင်များ၊ KIA တပ်သားများ၊ ပွဲတွင်ကူညီပေးကြသူများ၊ လာရောက်အားပေးခဲ့ကြသူများအပါအဝင် စုစုပေါင်း ၆၀ နီးပါး သေဆုံးနိုင်သည်ဟု KIA သတင်းရင်းမြစ်များထံမှသိရသည်။
သို့သော် သေဆုံးသည့်အရေအတွက်အတိအကျကို အတည်မပြုနိုင်သေးဘဲ စိစစ်နေဆဲဖြစ်ကြောင်း KIA/KIO ပြောခွင့်ရ ဗိုလ်မှူးကြီးနော်ဘူက မဇ္ဈိမသို့ပြောသည်။
စစ်ကောင်စီတပ်မှ ဂျက်တိုက်လေယာဉ်သုံးစီးဖြင့် ရည်ရွယ်ချက်ရှိရှိ လာရောက်ဗုံးကြဲတိုက်ခိုက် ခဲ့ခြင်းဖြစ်ကြောင်း ၎င်းကဆိုသည်။
ထို့ကြောင့်ကျဆုံးခဲ့ရသူများအတွက် ဝမ်းနည်း ပူဆွေးမှုအနေဖြင့် ကချင်နိုင်ငံတော်အလံကို တစ်ဝက်ထိ လျော့ချထားကြောင်းသိရသည်။
ဗုံးကြဲတိုက်ခိုက်ခံရမှုနှင့် ပတ်သက်၍ KIA/KIO ပြောခွင့်ရသူ ဗိုလ်မှူးကြီးနော်ဘူကို မဇ္ဈိမ သတင်းထောက် နောင်နောင်က ဆက်သွယ်မေးမြန်းထားသည်။
စာတည်း ။ ။ Alden
