ဆိုညီဟု အမည်ပေးထားသည့် နေရောင်ခြည်စွမ်းအင် ထုတ်လုပ်သည့် မြေကွက်နေရာသည် တိဗက်ကုန်းပြင်မြင့်ရှိအမြင့်ဆုံးခရိုင်တွင် တည်ရှိသည်။
မီတာ၄၉၂၀ (၁၆၁၄၂ပေ) တွင်ရှိသော ဆိုညီမြေကွက်ကို ယခုအခါ ဆွန်းဟူဟုခေါ်ပြီး တရုတ်၏ အမြင့်ဆုံး နေရာဖြစ်သည်။
ယင်းနေရာတွင်ယခုအခါ လှည့်လည်သွားလာသူများကို ပြန်လည်နေရာချထားပြီး အသေးစားဓာတ်အားလိုင်း တစ်လိုင်းထောက်ပံ့ထားပေးခြင်းဖြင့်ပြီးပြည့်စုံသောမြို့နယ်အဖြစ် ဖွံ့ဖြိုးလာနေသည်။
၂၀၁၆ခုနှစ်နောက်ပိုင်းတွင်Sungrow Power Supply Co Ltd. သည်၂၀မဂ္ဂါဝပ်အင်ဗာတာများကိုပံ့ပိုးပေးခဲ့ပြီး ၁၃မဂ္ဂါဝပ်သည် ဆိုလာပြားများအတွက်ဖြစ်ပြီး ၇မဂ္ဂါဝပ်သည် စွမ်းအင်သိုလှောင်မှုစနစ်အတွက်ဖြစ်သည်။ယင်းနေရာကိုအဝေးထိန်းစနစ်ဖြင့်ထိန်းချုပ်ထားသည့်အသေးစားဓာတ်ပေးစနစ်တစ်ခုချိတ်ဆက်ထားသည်”ဟုကန်တန်ကတွစ်တာတွင်ရေးသားခဲ့သည်။
လှည့်လည်သွားလာသူများကို မသိနားမလည်သူများ၊ခေတ်နောက်ကျသူများနှင့်ဆင်ခြင်တုံတရားမရှိသူများဟု တရုတ်ကဆိုကာ စားကျက်မြေအလွန်အကျွံအသုံးပြုခြင်းသည် တိဗက်မြက်ခင်းပြင်ဂေဟစနစ်ကိုသိသိသာသာပျက်စီးစေခဲ့ကြောင်းပြောကြားခဲ့သည်။
တိဗက်လှည့်လည်သွားလာများ၏ကျင့်သုံးသောအစဉ်အလာစားကျက်မြေစနစ်သည်တိဗက်စားကျက်မြေများအတွက်အရေးပါပြီးအပင်မျိုးကွဲများနှင့်ပန်းဝတ်ရည်ထုတ်လုပ်မှုကိုကူညီပေးသည်။
“စားကျက်အလွန်အကျွံအသုံးပြုခြင်းမဖြစ်ပေါ်စေရန်၎င်းတို့သည်အိမ်မွေးတိရစ္ဆာန်အုပ်များကိုနွေရာသီစားကျက်မှဆောင်းစားကျက်စားရာသို့လှည့်ပတ်သည့်ပုံစံဖြင့်ရွှေ့ပြောင်းကြသည်။
ယင်းကဲ့သို့မြေယာစီမံခန့်ခွဲမှုနည်းပညာများသည်မြက်အသစ်ထွက်စေခြင်း၊တောရိုင်းတိရစ္ဆာန်များနေထိုင်ရာနေရာများတိုးတက်ကောင်းမွန်လာစေရန်နှင့်အာရှ၏ရေလှောင်ကန်ဖြစ်သည့်တိဗက်ကုန်းပြင်မြင့်ကိုတည်တံ့စေရန်ကူညီပေးသည်။
ဒရော့ပါနွားထိန်းသူများ (မြင့်မားသောစားကျက်တွင်နေထိုင်သူများ) သည်တိဗက်ရှိတိဗက်လူမျိုးများ၏လေးပုံတစ်ပုံခန့်ရှိသည်။
၎င်းတို့သည်တိဗက်ကောင်တီအများအပြားတွင်လူဦးရေ၏၉၀ရာခိုင်နှုန်းအထိရှိသည်။၎င်းတို့သည်စားကျက်အနေအထားများကိုနက်နဲစွာနားလည်သဘောပေါက်ပြီးကမ္ဘာတွင်ထင်ရှားသောစားကျက်မြေများ၏အစဉ်အလာမြေစီမံခန့်ခွဲသူများနှင့်ရေကိုကာကွယ်ပေးသူများဖြစ်ကြပြီးနှစ်ပေါင်း၈၀ဝ၀ကျော်ကြာသဘာဝနှင့်နီးစပ်သောစားကျက်မြေသဘာဝကိုထူးခြားစွာလိုက်နာကျင့်သုံးသူများဖြစ်ကြသည်။
နေရောင်ခြည်စွမ်းအင် ထုတ်လုပ်ရန် အသုံးပြုသည့် ခြံများက မြေဆီလွှာ၊လေ၊ ရေနှင့်အသီးအရွက်များပြောင်းလဲခြင်း၊မြေတိုက်စားခြင်းနှင့်လူ့ကျန်းမာရေးကိုထိခိုက်စေနိုင်သည်။
မြေဟက်တာများစွာတွင်ဖြန့်ကျက်ထားသောဆိုလာခြံများသည်မြေယာပျက်စီးခြင်းနှင့်မျိုးရင်းတိရစ္ဆာန်များကိုဆုံးရှုံးစေနိုင်သည်။
