မြန်မာနိုင်ငံအပေါ် အီးယူရဲ့ နောက်ဆုံးအသုတ်ဒဏ်ခတ်ပိတ်ဆို့မှုတွေ ချမှတ်ခဲ့တာ ခုနှစ်လကျော်ကြာမြင့်လာခဲ့ချိန်မှာ တရားမဝင်စစ်ကောင်စီရဲ့ အကြမ်းဖက်စစ်ဆင်ရေးကလည်း အဆင်ခြင်မဲ့လေကြောင်းတိုက်ခိုက်မှုတွေ၊ ဗုံးကြဲတိုက်ခိုက်တာတွေ၊ နိုင်ငံရေးအကျဉ်းသားတွေကိုသေဒဏ်ချကွပ်မျက်တာတွေ၊ ကျောင်းနေကလေးသူငယ်တွေကို သတ်ဖြတ်တာတွေနဲ့ ပိုပြီးပြင်းထန်လာခဲ့ပါတယ်။
ပြီးခဲ့တဲ့ ရက်သတ္တပတ်အတွင်း အနည်းဆုံးကျောင်းနေကလေးသူငယ် ၁၁ ဦး သတ်ဖြတ်ခံခဲ့ရပြီး၊ အဲ့ဒါဟာ ပြီးခဲ့တဲ့နှစ် ဖေဖော်ဝါရီလမှာ မြန်မာစစ်တပ်ရဲ့ အာဏာသိမ်းကြိုးပမ်းမှုနောက်ပိုင်း တိုက်ခိုက်မှုတစ်ခုအတွင်း ကလေးသူငယ်သေဆုံးခဲ့မှု အရေအတွက်အများဆုံးမှတ်တမ်း ဖြစ်ပါတယ်။