အစိုးရဆန့်ကျင်သည်ဟုအစိုးရရှေ့နေများကယူဆသည့် သိုးနှင့်ဝံပုလွေဇာတ်ကောင်များပါဝင်သည့် နိုင်ငံတော်အကြည်ညိုပျက်စေရန် ကလေးကာတွန်းစာအုပ်များထုတ်ဝေရန် ပူးပေါင်းကြံစည်မှုဖြင့် စက်တင်ဘာ ၁၀ရက်တွင် ဟောင်ကောင်စကားပြောကုထုံးပညာရှင်၅ဦးကို ထောင်ဒဏ်၁၉လစီ ချမှတ်လိုက်သည်။

၎င်းတို့၅ဦးအား ကိုလိုနီခေတ်၏ နိုင်ငံတော်အကြည်ညိုပျက်စေမှုဥပဒေဖြင့် စက်တင်ဘာ၇ရက်တွင် ပြစ်ဒဏ် ချမှတ်ခဲ့ရာ   ရက်စက်ကြမ်းကြုတ်သော ဖိနှိပ်မှအဖြစ်လူ့အခွင့်အရေးလှုပ်ရှားသူများက ရှုတ်ချ ခဲ့သော်လည်း ဟောင်ကောင်အစိုးရက ပယ်ချခဲ့သည်။

စွပ်စွဲမှုဖြစ်စေခဲ့သည့် ကာတွန်း ၃ အုပ်တွင် ဝံပုလွေများကို တိုက်ခိုက်သည့်သိုးများအကြောင်း ရေးသား ထားခြင်းများသည် မတည်မငြိမ်ဖြစ်စေသည့်အချက်များပါဝင်ကြောင်းပြောကြားလျက်တရားခံများသည် “ထုတ်ဝေမှုနှင့်စကားလုံးများကြောင့်မဟုတ်ဘဲယင်းတို့၏ထိခိုက်နစ်နာစေသောသို့မဟုတ်ကလေးများ၏စိတ်ကိုထိခိုက်စေနိုင်သောကြောင့်”အပြစ်ပေးခံရခြင်းဖြစ်ကြောင်းခရိုင်တရားရုံးတရားသူကြီးကော့ခ်ဝေကင်က ပြောကြားခဲ့သည်။

“တရားခံတွေကအသက်လေးနှစ်နဲ့အထက်ကလေးတွေကိုလုပ်ခဲ့တာကတကယ်တော့ ကလေးတွေကို သူတို့ရဲ့ အမြင်နဲ့ တန်ဖိုးထားမှုတွေကို လက်ခံနိုင်အောင်လမ်းညွှန်ပေးမယ့် ဦးနှောက်ဆေးကြောတဲ့ လေ့ကျင့်ခန်း တစ်ခုပါပဲ”ဟုကော့်ခ်ကဆိုသည်။

အသက်၂၆နှစ်မှ၂၉နှစ်ကြားရှ ိလော်ရီလိုင်၊မယ်လိုဒီယန်၊ဆစ်နေငု၊ဆင်မြူရယ်ချန်နှင့် မာကိုဖုန်းတို့သည့် အမျိုးသားလုံခြုံရေးအမှုများကိုစစ်ဆေးရန်ဟောင်ကောင်ခေါင်းဆောင်မှရွေးချယ်ခံခဲ့ရသူများဖြစ်ပြီး ကော့ခ်က ပြစ်ဒဏ်ချမှတ်ခဲ့သည်။

၂၀၁၉ခုနှစ်တွင်ဟောင်ကောင်ဒီမိုကရေစီလိုလားသောဆန္ဒပြမှုများနှင့်တရုတ်ကမ်းခြေစောင့်တပ်၏ ဖမ်းဆီးခံခဲ့ရသည့် ၂၀၂ဝပြည့်နှစ်တွင် ဟောင်ကောင်မှထွက်ပြေးခဲ့သော ဒီမိုကရေစီဆန္ဒပြသူ၁၂ဦး၏ ဖြစ်ရပ်များ အပါအဝင် အဖြစ်အပျက်များကို ယင်းစာအုပ်များတွင် ကိုးကားဖော်ပြထားသည်။

စာအုပ်တစ်အုပ်တွင် ဝံပုလွေများသည်ရွာတစ်ရွာကို သိမ်းပိုက်ပြီး သိုးများကိုစားသောက်လိုသော်လည်း သိုးများက ပြန်လည်တိုက်ခိုက်ခဲ့ကြောင်း ဖော်ပြခဲ့သည်။