ဇူလိုင် ၃၁
ထိုင်းနိုင်ငံ ၊မဲဆောက်မြို့ရောက် မြန်မာများစုစည်း၍ ယနေ့ ဇူလိုင်လ ၃၁ ရက်နေ့ နံနက်ပိုင်းက ဒီမိုကရေစီတိုက်ပွဲအတွင်း ကျဆုံးသွားကြသည့် သူရဲကောင်းများအတွက် ဝါဆို သင်္ကန်းကပ်လှူပွဲနှင့် လူထုသစ္စာအဓိဋ္ဌာန်ပြုပွဲ ပြုလုပ်ခဲ့ကြောင်းသိရသည်။
ယနေ့ နံနက် ၉ နာရီ ၂၀ မိနစ်က မဲဆောက်မြို့၊ ကျောင်းကြီးကျောင်းတိုက်တွင် ဝါဆိုသင်္ကန်းကပ်လှူပွဲပြုလုပ်ခဲ့ကြပြီး မနက် ၁၀ နာရီ ၃၇ မိနစ်အချိန်တွင် လူထုသစ္စာ အဓိဋ္ဌာန်ပြုပွဲ ပြုလုပ်ခဲ့ကြခြင်းဖြစ်ကြောင်း မဲဆောက်ရောက် ဒီမိုကရေစီအရေး တက်ကြွ လှုပ်ရှား လူငယ်များထံက သိရသည်။