တရုတ်လူ့အခွင့်အရေးရှေ့နေ ချန်းဝေဘင်းသည် နိုင်ငံတော်အာဏာကို ထိပါးနှောင့်ယှက်မှုစွဲချက်ဖြင့် ရှန်းရှီးပြည်နယ်၌ မျက်ကွယ်ရုံးတင်စစ်ဆေးခံခဲ့ရသည့်အပြင် ၎င်း၏ဇနီးမှာလည်း တရားရုံးသို့ မသွားရန် တားမြစ် ခံခဲ့ရသည်။
ရှေ့နေ၏ရုံးတင်စစ်ဆေးမှုကို ဇူလိုင် ၂၆ ရက်က ဖန်းကောင်တီပြည်သူ့တရားရုံးတွင် စတင်ခဲ့စဉ် ၎င်း၏ ဇနီး ဖြစ်သူ ချန်းကျိကျွမ်းသည် အဝေးပြေးလမ်းမ၌ ထိန်းသိမ်းခံထားရကာ တရားရုံးသို့ ဝင်ခွင့် တားမြစ်ခံရကြောင်း RFA က ဖော်ပြခဲ့သည်။
ရုံးတင်စစ်ဆေးမှုသည် မိနစ် ၉၀ ခန့်ကြာမြင့်ခဲ့ပြီး ပြစ်ဒဏ်ကို နောက်ရုံးချိန်တွင် ချမှတ်မည်ဖြစ်ကြောင်း ချန်းက တွစ်တာ၌ ရေးသားခဲ့သည်။
သူမသည် အဝေးပြေးလမ်းမတွင် ၁၀ နာရီကြာမျှ ရပ်နေခဲ့ရကာ ရုံးတင်စစ်ဆေးမှု ပြီးဆုံးသွားပြီဖြစ်ကြောင်း ရှေ့နေ့များက နောက်ပိုင်းတွင် အကြောင်းကြားခဲ့သည်ဟု ဆိုသည်။
ချန်းက သူမသည် တောင်ပိုင်းကွမ်တုန်းပြည်နယ်မှ ဒေါင်ဂွမ်းမြို့မှ လာသည့်အတွက် ဖန်ကောင်တီတရားရုံးသို့ ဝင်ရောက်မရကြောင်းနှင့် ထိုပြည်နယ်သည် ကိုဗစ်-၁၉ ကူးစက်မှု အလယ်အလတ်မှ အပြင်းထန်ဆုံး ဒေသများ တွင် ပါဝင်သည်ဟု အာဏာပိုင်များက ပြောသည်ဟု ဆိုသည်။
“ လူနာတင်ကားတစ်စီးရောက်လာပြီး ကျွန်မကို သီးသန့်ခွဲထားတဲ့စခန်းဆီ ခေါ်သွားခဲ့ပါတယ်။ သူတို့က ကိုဗစ်-၁၉ ကို အကြောင်းပြခဲ့ကြတာပါ'' ဟု ချန်းက ပြောသည်။
ထိန်းသိမ်းခံထားရသူ၏ ရှေ့နေ တင်ကျားရှီ၏ ဇနီး လျူရှန်းချန်းက “ချန်းမိသားစုအပေါ် အာဏာပိုင်များ၏ ပြုမူဆက်ဆံပုံကို ပြစ်တင်ရှုတ်ချခဲ့သည်။
“ညဘက်ကြီးထိန်သိမ်းခံခဲ့ရတဲ့ ချန်းကျိကျန်း၊ သူ့အမေနဲ့ ကလေးဟာ တကယ့်ကို အခက်အခဲဖြစ်ခဲ့ပါတယ်။ သူတို့တွေ စားစရာတောင် ပါရဲ့လားမသိဘူး” ဟု သူမက ပြောသည်။
