ဇူလိုင် ၂၆
အကြမ်းဖက်စစ်ကောင်စီနှင့်စေ့စပ်ညှိနှိုင်းရေး အတွေးအခေါ်များ ခြွင်းချက်မရှိငြင်းပယ်ကြဖို့ အလေး အနက်တိုက်တွန်းကြောင်း ကျောင်းသားများသမဂ္ဂ ၁၇၆ ဖွဲ့က သဘောထား ကြေညာလိုက်သည်။
“ကျောင်းသားပြည်သူ့တစ်ရပ်လုံးအနေဖြင့် စစ်အုပ်စုအပေါ် ခြွင်းချက်မရှိ ရန်၊ ငါ ပြတ်စွာဖြင့် ဆက်လက် တိုက်ပွဲဝင်သွားကြရန်နှင့် စေ့စပ်ညှိနှိုင်းရေး အတွေးအခေါ်များ ခြွင်းချက်မရှိငြင်းပယ်ဖို့ အလေးအနက် တိုက်တွန်းအပ်တယ်” ဟု ကျောင်းသားသမဂ္ဂကိုယ်စားလှယ်များကော်မတီ (SURC) က ပြောသည်။
၈၈ မျိုးဆက်ကျောင်းသားခေါင်းဆောင် ဦးဂျင်မီ၊ လွှတ်တော်အမတ်ဟောင်း ဦးဖြိုးဇေယျာသော်၊ ဦးလှမျိုး အောင်နှင့် ဦးအောင်သူရဇော်တို့ လေးဦးကို ဖက်ဆစ်စစ်ကောင်စီမှ မတရားကြိုးပေးစီရင်သည့်အပေါ် ကျောင်းသားသမဂ္ဂကိုယ်စားလှယ်များကော်မတီ(SURC)က ၎င်းတို့၏ သဘောထားကြေညာချက်ထုတ် ပြန်ခဲ့ခြင်းဖြစ်သည်။
နွေဦးတော်လှန်ရေးကာလအတွင်း စစ်ကောင်စီ၏ မတရားဖမ်းဆီးသတ်ဖြတ်ခံခဲ့ရသည့် အာဇာနည်များစွာနှင့် မြန်မာ့ဒီမိုကရေစီတိုက်ပွဲအတွင်း ကျဆုံးခဲ့ရသည့် အာဇာနည်ရဲဘော်အပေါင်းကို ကျောင်းသားသမဂ္ဂများမှ အလေးနီပြုကြောင်း ထုတ်ပြန်ချက်တွင် ပါရှိသည်။
စစ်အစိုးရ၊ စစ်အုပ်စု၊ စစ်ဗျူရိုကရက်ယန္တရားများ(စစ်သုံးစစ်)ဖြင့်တည်ဆောက်ထားသည့် ဖက်ဆစ် စစ်တပ် ကို လူထုအားဖြင့် အပြီးသတ်ချေမှုန်းကာ လူမျိုးပေါင်းစုံ၊ လူတန်းစားအလွှာပေါင်းစုံ လွတ်မြောက် ရေးသို့ ဦးတည်မည်ဟု ကတိပြုကြောင်းကိုလည်း ဆိုသည်။
ယခုထုတ်ပြန်ကြေညာချက်ကို ရန်ကုန်အခြေစိုက် ကျောင်းသားများသမဂ္ဂ ၂၃ ဖွဲ့၊ မန္တလေးအခြေစိုက် ၂၂ ဖွဲ့၊ ဧရာဝတီအခြေစိုက် ၁၄ ဖွဲ့ ၊ ပဲခူးအခြေစိုက် ၁၄ ဖွဲ့၊ စစ်ကိုင်းအခြေစိုက် ၁၇ ဖွဲ့ ၊ မကွေးအခြေစိုက် သုံး ဖွဲ့၊ တနသာရီအခြေစိုက် ကိုးဖွဲ့ ၊ ကချင်အခြေစိုက် ၁၃ ဖွဲ့၊ ကရင်နီအခြေစိုက် ငါးဖွဲ့၊ ကရင်အခြေစိုက် ခြောက်ဖွဲ့၊ ချင်းအခြေစိုက် ခြောက်ဖွဲ့၊ မွန်အခြေစိုက် ၂၁ ဖွဲ့၊ ရှမ်းအခြေစိုက် ၂၁ ဖွဲ့နှင့် နေပြည်တော် အခြေစိုက် ကျောင်းသားများသမဂ္ဂ ငါးဖွဲ့တို့ကပူးတွဲကြေညာခြင်းဖြစ်သည်။
#Mizzima
#စေ့စပ်ညှိနှိုင်းရေး
#ခြွင်းချက်မရှိငြင်းပယ်
#SURC၏
