စစ်ကိုင်း
စစ်ကိုင်းတိုင်း ချောင်းဦးမြို့နယ် ယာကြီးတော ကျေးရွာရှိ ပြည်သူပိုင်နေအိမ် ၂ဝ ခန့် ကို စစ်ကောင်စီတပ်က ဇွန်လ ၂၈ ရက် နံနက်ပိုင်း ၉ နာရီခန့်တွင် မီးရှို့ခဲ့ကြောင်း သိရသည်။
စစ်ကောင်စီတပ်က ယာကြီးတော ကျေးရွာကို မီးရှို့ဖျက်ဆီးသည်မှာ ငါးကြိမ်မြောက် ဖြစ်သည်။ ယင်း ငါးကြိမ်မြောက်အတွင်း ပြည်သူပိုင်နေအိမ် ၆ဝ ခန့်အထိ မီးထဲပါသွားကြောင်း ဒေသခံပြည်သူတစ်ဦးက ဆိုသည် ။
" ကံကြီးမ ကျေးရွာက ပျူစောထီး နှင့် စစ်ကောင်စီတပ်တွေက လာပြီး မနေ့က နံနက်ပိုင်း ၉ နာရီလောက်မှာ မီးရှို့ သွားတယ်ဗျ ၊ ယာကြီးတော ကျေးရွာက ပျူရွာဖြစ်တဲ့ ကံကြီးရွာနဲ့က ကပ်လျက်ဆိုတော့ ရွာမှာလည်း မနေရဲကြတာ တော်တော်လေး ကြာနေပါပြီဗျ ၊ ယခု ငါးကြိမ်မြောက် အထိတော့ အိမ်ခြေ ၆ဝ ထိ မီးလောက်ပြာကျသွားကြောင်း " ဒေသခံ ပြည်သူတစ်ဦးက ဆိုသည်။
ချောင်းဦးမြို့နယ်ရှိ ကျေးရွာများ ဖြစ်သည့် ရွှေလေ ၊ အင်းမ ၊ ရှမ်းထီး ၊ ယာကြီးတော နှင့် ဆီပန်းကန် ကျေးရွာများမှ လူဦးရေ ငါးထောင် ကျော် ခန့်သည် စစ်ကောင်စီတပ်နှင့် ပျူစောထီးများ၏ ရန်မှ ရှောင်နေရကြောင်း သိရသည်။