သီရိလင်္ကာနိုင်ငံအတွင်း ဆန္ဒပြမှုများ မြင့်တက်နေချိန်တွင် စီးပွားရေးအကျပ်အတည်းကို ကျော်လွှားစေရန် တရုတ်က အကြွေးနစ်နေသည့် သီရိလင်္ကာနိုင်ငံသို့ ချေးငွေများ ထပ်မံထုတ်ပေးလိုက်သည်။

စီးပွားရေးကျဆင်းခြင်းသည် ကိုဗစ်-၁၉ ကပ်ရောဂါကာလအတွင်း ခရီးသွားလာခွင့်ပိတ်ပင်ထားသဖြင့် ငွေကြေးပြတ်လပ်ရခြင်းကြောင့်ဖြစ်သည်ဟု အပြစ်ဖို့ကြသော်လည်း တရုတ်ချေးငွေများမှာ သီရိလင်္ကာအကြွေးနစ်ရခြင်း၏ နောက်ထပ် အဓိကအချက်တစ်ခုဟု ယူဆရသည်။

တရုတ်ချေးငွေများသည် ကမ္ဘာ့ဘဏ်နှင့် နိုင်ငံတကာငွေကြေးရန်ပုံငွေအဖွဲ့များထံမှ နှစ်ခုပေါင်းချေးငွေထက်ပင် သာလွန်သွားခဲ့သည်။

ဒေဝါလီခံထားသော တောင်အာရှနိုင်ငံသည် ၎င်း၏ နောက်ဆုံးအသုံးပြုနိုင်သော နိုင်ငံခြားအရန်ငွေကို အမိအရယူထားချိန်တွင် သီရိလင်္ကာရှိ တရုတ်၏စီးပွားရေးအစုရှယ်ယာများကို ပစ်မှတ်ထားလာသည်။

ဧပြီလနှောင်းပိုင်းတွင် အဆိုပါရန်ပုံငွေများသည် အမေရိကန်ဒေါ်လာ သန်း ၅၀ အထိ ကျဆင်းသွားခဲ့ကြောင်း အစိုးရဝန်ကြီးတစ်ဦးက ပါလီမန်သို့ ရှားရှားပါးပါး ပွင့်ပွင့်လင်းလင်း ထုတ်ဖော်ပြောကြားခဲ့ကြောင်း Nikkei Asian က ဖော်ပြခဲ့သည်။

တရုတ်သည် ၎င်း၏အကျိုးစီးပွားကို အစဉ်အမြဲ ရှေ့တန်းတင်ကာ သီရိလင်္ကာ သို့မဟုတ် မော်လ်ဒိုက်နိုင်ငံဖြစ်ပါစေ နိုင်ငံငယ်များကို ၎င်း၏ နယ်ရုပ်များအဖြစ် အသုံးချခဲ့သည်။ တရုတ်သည် လျင်မြန်စွာကြီးထွားသောစီးပွားရေးအိပ်မက်ဖြင့် အယုံသွင်းပြီး ထိုနိုင်ငံများကို အကြွေးသံခင်းတမန်ခင်းထဲသို့ ရောက်ရှိစေခြင်းဖြင့် ထောင်ချောက်ဆင်ကြောင်း အများကသိကြသည်။

တရုတ်နိုင်ငံ၏ ကြွေးမြီထောင်ချောက်ပေါ်လစီသည် သီရိလင်္ကာ၏ ဆိုးရွားသော စီးပွားရေးအခြေအနေအတွက် တာဝန်မကင်းကြောင်း Nikkei Asia က ထပ်မံဖော်ပြထားသည်။

တရုတ်သည် ၎င်း၏ရည်ရွယ်ချက်များကို ဖုံးကွယ်လျက် သီရိလင်္ကာအား စီးပွားရေးအခြေခံအုတ်မြစ် အားနည်းခြင်း၊ စီးပွားရေးကို မထိန်းသိမ်းနိုင်ခြင်း၊ အလွန်အကျွန်ချေးငှားသောအလေ့အထရှိခြင်းနှင့် စီမံချက်ညံ့ဖျင်းခြင်း စသည်ဖြင့် ရှုတ်ချကာ အနောက်နိုင်ငံများနှင့် သီရိလင်္ကာနိုင်ငံများအား ငွေကြေးစီမံခန့်ခွဲမှုညံ့ဖျင်းကြောင်း အပြစ်တင်ပြောဆိုခဲ့သည်။