တရုတ် ရေတပ်သည် ထိုင်ဝမ်ကျွန်းအရှေ့ဘက်နှင့် ဂျပန်တောင်ပိုင်းတို့ရှိ ဖိလစ်ပိုင်ပင်လယ်တွင် လွန်ခဲ့ သည့် ရက်အနည်းငယ်အတွင်း စစ်ရေးလေ့ကျင့်မှုများ အပြင်းအထန်လုပ်ဆောင်ခဲ့သည်။

ထိုင်ဝမ်အရှေ့ဘက်သို့ Liaoning လေယာဉ်တင်သင်္ဘောအုပ်စုနှင့်အတူ wPLA သည် ထိုင်ဝမ်ကျွန်း အနောက် ဘက်သို့ တရုတ်စစ်လေယာဉ်အမျိုးအစားများစွာနှင့် ထပ်တိုးစစ်သင်္ဘောများကို စေလွှတ်ခဲ့ကြောင်း လေ့လာသုံးသပ်သူများကို ကိုးကား၍ Global Times က ဖော်ပြခဲ့သည်။

လေယာဉ်တင်သင်္ဘောလောင်နင်းနှင့်အတူ Type 055 အကြီးစား ပဲ့ထိန်းဒုံး ကျည်ဖျက်သင်္ဘော ၁ စင်း၊ Type 052D ပဲ့ထိန်းဒုံးကျည်ဖျက်သင်္ဘော ၃ စင်းနှင့် Type 052C ဖျက်သင်္ဘော ၁ စင်း၊ Type 054A ဖရီးဂိတ်သင်္ဘော ၁ စင်းနှင့် Type 901 အလုံးစုံ ထောက်ပံ့ ရေးသင်္ဘောတို့ပါဝင်သော PLA ရေတပ်သင်္ဘောအုပ်စုသည် အရှေ့တရုတ်ပင်လယ်မှ မီယာကို ရေလက်ကြားကို ဖြတ်၍ ပစိဖိတ် သမုဒ္ဒရာသို့ မေ ၂ရက်တွင် သွားရောက် ခဲ့ကြောင်း မေ ၄ရက်မှ ၇ရက်အထိ ၄ ရက်ဆက်တိုက် စောင့်ကြည့်အစီရင်ခံချက်များကို ဂျပန် ကိုယ်ပိုင် ကာကွယ်ရေးတပ်ဖွဲ့၏ ပူးတွဲစစ်ဦးစီးရုံးက ထုတ်ပြန်ခဲ့သည်။

သင်္ဘောအုပ်စုသည် ထိုင်ဝမ်ကျွန်းအရှေ့ဘက်နှင့် ဂျပန်နိုင်ငံတောင်ပိုင်းရှိ ဖိလစ်ပိုင်ပင်လယ်အတွင်း မေ ၃ ရက်မှ ၆ရက်အထိ လက်နက်ခဲယမ်းများဖြင့် နေ့ရောညပါ ပြင်းထန်စွာ လေ့ကျင့်မှုများ ပြုလုပ်ခဲ့ကြောင်း Global Times သတင်းတွင် ဖော်ပြထားသည်။