အိန္ဒိယနှင့် အမေရိကန်နိုင်ငံတို့မှ နိုင်ငံခြားရေးဝန်ကြီးများသည် ဧပြီ ၁၁ ရက်တွင် ဝါရှင်တန်မြို့၌ တွေ့ဆုံရန် စီစဉ်ထားသည်။
အိန္ဒိယနိုင်ငံခြားရေးဝန်ကြီး အက်စ်ဂျိုင်ရှန်ကာနှင့် ကာကွယ်ရေးဝန်ကြီး ရာဂျာနက်ဆင်းတို့သည် အမေရိကန်နိုင်ငံခြားရေးဝန်ကြီး အင်တိုနီ ဘလင်ကန်၊ အမေရိကန် ကာကွယ်ရေးဝန်ကြီး အယ်လ်လွိုက်အော်စတင်တို့အား တွေ့ဆုံမှုအပြင် အခြားအစည်းအဝေးများကိုလည်း ပြုလုပ်ရန် စီစဉ်ထားသည်။
နှစ်နိုင်ငံအကြား 2+2 Ministerial Dialogue နောက်ဆုံး အစည်းအဝေးကို ၂၀၂၀ ပြည့်နှစ်၊ အောက်တိုဘာလအတွင်းက နယူးဒလီမြို့တွင် ကျင်းပခဲ့သည်။
အိန္ဒိယနှင့် အမေရိကန်တို့အကြား ကဏ္ဍအလိုက် ဆွေးနွေးပွဲကို ဝါရှင်တန်မြို့တွင် ယမန်နှစ် စက်တင်ဘာလက ကျင်းပခဲ့ရာတွင် တောင်အာရှ၊ အင်ဒို-ပစိဖိတ်ဒေသနှင့် အနောက်အိန္ဒိယ သမုဒ္ဒရာတွင် ဖြစ်ပေါ်နေသည့် ကိစ္စရပ်များအပေါ် အမြင်ချင်း ဖလှယ်ခဲ့ကြသည်။
ကာကွယ်ရေး၊ ကမ္ဘာ့ပြည်သူများ၏ ကျန်းမာရေး၊ စီးပွားရေးနှင့် ကူးသန်းရောင်းဝယ်ရေး ပူးပေါင်းဆောင်ရွက်မှု၊ သိပ္ပံနှင့် နည်းပညာ၊ သန့်ရှင်းသော စွမ်းအင်နှင့် ရာသီဥတုထိန်းသိမ်းရေးဆိုင်ရာ ဘဏ္ဍာငွေထောက်ပံ့ရေးနှင့် ပြည်သူများအကြား ဆက်ဆံရေးအပါအဝင် အိန္ဒိယ-အမေရိကန် မဟာဗျူဟာ ပူးပေါင်းဆောင်ရွက်ရေးအရ နှစ်နိုင်ငံ ဆောင်ရွက်ချက်များတွင် တိုးတက်မှုနှင့် ဖွံ့ဖြိုးမှုများကို ရရှိခဲ့သည်။
