ဧပြီလ ၄ ရက်
စစ်ကိုင်းတိုင်း၊ ကလေးမြို့ ပင်မသပိတ် စစ်ကြောင်းသည် စစ်အာဏာသိမ်းမှု ဆန့်ကျင်ရေး ရက်ပေါင်း ၄၂၁ ရက်မြောက် အဖြစ် ယနေ့ ဧပြီလ ၄ ရက်တွင် ချီတက် ဆန္ဒပြသည်။
လုံခြုံရေး တင်းကျပ်ပြီး မြို့အနှံ့ စစ်ဆေးမှုများ ကြားမှ “အပျော်သင်္ကြန် ဒို့ငြင်းဆန် ၊ တော်လှန်သင်္ကြန် ပြည်သူ့အသံ” ဆိုသည့် စာတန်းကို ကိုင်စွဲပြီး ကြွေးကြော်သံများ ဟစ်ကြွေးကာ ချီတက်ကြသည်။
ကလေးမြို့ ပင်မ သပိတ်စစ်ကြောင်းသည် ၂၀၂၁ ခုနှစ် ဖေဖော်ဝါရီလ ၇ ရက်နေ့မှ စတင်၍ နေ့စဉ် မပျက်မကွက် ချီတက် ဆန္ဒပြနေခြင်း ဖြစ်သည်။