ဧပြီလ ၂ ရက်
ရန်ကုန်မြို့တစ်နေရာတွင် ယနေ့ ဧပြီလ ၂ ရက် နံနက်ပိုင်းက စစ်ကောင်စီက ကျင်းပရန်စီစဥ်နေသည့် မြန်မာ့နှစ်သစ်ကူး အတာသင်္ကြန်ပွဲတော်တွင်ပါဝင်ခြင်းမရှိဘဲ တော်လှန်သင်္ကြန်အဖြစ်သာထားရှိဖို့ရည်ရွယ်ချက်ဖြင့် စစ်အာဏာရှင် ဆန့်ကျင်ရေးလှုပ်ရှားမှု တစ်ခုပြုလုပ်ကြသည်။
အဆိုပါလှုပ်ရှားမှုကို ရန်ကုန်ခရိုင်ကျောင်းသားများသမဂ္ဂ ဗကသများအဖွဲ့ချုပ်နှင့် အာဏာရှင်ဆန့်ကျင်ရေး အင်အားစုများပူးပေါင်းပြုလုပ်ခြင်းဖြစ်ကြောင်း သိရသည်။
လှုပ်ရှားမှုတွင် လူငယ်များက ဘန်နာကိုင်စွဲကာ စစ်အာဏာရှင်ကြွေးကြော်သံများဖြင့် ချီတက်ဆန္ဒပြလှုပ်ရှားမှုပြုလုပ်ကြခြင်းဖြစ်သည်။ မိနစ်အနည်းငယ်သာကြာမြင့်သည့် ယနေ့ဆန္ဒပြပွဲအပြီးတွင် သပိတ်အတွင်းပါဝင်သည့် အင်အားစုလူငယ်အားလုံး အောင်မြင်စွာ လူစုခွဲနိုင်ခဲ့ကြသည်။