မတ်လ ၈ ရက်
စစ်ကိုင်းတိုင်း၊ ကလေးမြို့ ပင်မသပိတ် စစ်ကြောင်းသည် စစ်အာဏာသိမ်းမှု ဆန့်ကျင်ရေး ရက်ပေါင်း ၃၉၄ ရက်မြောက်နေ့အဖြစ် ယနေ့ မတ်လ ၈ ရက်တွင်ကျရောက်သည့် နိုင်ငံတကာအမျိုးသမီးများနေ့တွင် ချီတက်ဆန္ဒပြသည်။
“ဣထိယတွေရှေ့သို့ချီ အကြမ်းဖက်မှုကို အမြစ်ဖြတ်မည်” စာတမ်းအားကိုင်စွဲ၍ အမျိုးသမီးများက ဦးဆောင်ပြီး ကြွေးကြော်ချီတက်ခဲ့ကြသည်။
ကလေးမြို့ပင်မ သပိတ်စစ်ကြောင်းသည် ၂၀၂၁ခုနှစ် ဖေဖော်ဝါရီလ ၇ ရက်က စတင်၍ နေ့စဉ် မပျက်မကွက် ချီတက် ဆန္ဒပြနေခြင်း ဖြစ်သည်။