မြန်မာစစ်တပ်က နောက်ပြန်ဆုတ်ရေး စဉ်းစားဖို့နဲ့ ဒဏ်ခတ်အရေးယူမှုတွေနဲ့ ပြည်တွင်းစစ်ကြောင့် စီး ပွားရေးပြိုလဲတော့မယ့် မြန်မာနိုင်ငံကို အရည်အချင်းရှိသော ခေါင်းဆောင်တွေကို အုပ်ချုပ်ခွင့်ပြုဖို့ အင်ဒိုနီးရှား ဝန်ကြီးတစ်ဉီးက တိုက်တွန်းလိုက်ပါတယ်။
အင်ဒိုနီးရှားမှာ ပြီးခဲ့တဲ့ဆယ်စုနှစ်တွေအတွင်း စစ်တပ်ကအစိုးရကဏ္ဍပေါင်းစုံမှာ ပါဝင်ထိန်းချုပ်ခဲ့တာကနေ နောက်ဆုတ် ဖြေလျှော့ခဲ့တဲ့ ဥပမာကို မြန်မာစစ်တပ်က အတုယူသင့်တယ်လို့လည်း အင်ဒိုနီးရှားဝန်ကြီးက ပြောပါတယ်။
အစိုးရအဖွဲ့ကို အုပ်ချုပ်နေတဲ့ စစ်တပ်တွေအများကြီးရှိပေမယ့် အရည်အချင်းမရှိရင် သမ္မတမဖြစ်သင့်ပါ ဘူး လို့ ဆွစ်ဇာလန်နိုင်ငံ ဒါဗို့စ်မြို့တော်မှာပြုလုပ်တဲ့ ကမ္ဘာ့စီးပွားရေးဖိုရမ်မှာ အာဏာသိမ်းခေါင်းဆောင်အဖြစ်မှ ကိုယ့်ကိုကိုယ် ဝန်ကြီးချုပ်ပြန်ခန့်သူ မင်းအောင်လှိုင်နဲ့ပတ်သက်လို့ ပန်ဂျိုင်တန်က ပြောပါတယ်။ အင်ဒိုနီးရှား နိုင်ငံမှာလို အရည်အချင်းရှိတဲ့သူက တိုင်းပြည်ကို အုပ်ချုပ်ပါစေ လို့ သူက ဆိုပါတယ်။
အင်ဒိုနီးရှားနိုင်ငံမှာ ၁၉၆၆ ခုနှစ်တည်းက အာဏာသိမ်းထားတဲ့ စစ်ဗိုလ်ချုပ်ဟောင်း ဆူဟာတိုကို ၁၉၉၈ ခုနှစ်မှာ ဖြုတ်ချခဲ့ပြီးနောက် တိုင်းပြည်ကို ဒီမိုကရေစီစနစ်နဲ့ ပြည်လည်တည်ဆောက်ခဲ့ပါတယ်။
အခုအင်ဒိုနီးရှားဝန်ကြီးရဲ့ပြောကြားချက်နဲ့ပတ်သက်လို့ စစ်ကောင်စီရဲ့ပြောခွင့်ရသူ ဗိုလ်ချုပ်ဇော်မင်းထွန်းကို မှတ်ချက်ပေးဖို့ ဆက်သွယ်ခဲ့ပေမဲ့ အကြောင်းပြန်တာမရှိဘူးလို့ ဘန်ကောက်ပို့စ်သတင်းမှာဖော်ပြထားပါတယ်။
အရပ်သားတွေအပေါ် အကြမ်းဖက်တွေ ဆက်လက်ပြုလုပ်နေတဲ့ မြန်မာစစ်တပ်ကို တာဝန်ခံစေရေး ကြိုး ပမ်းမှုမှာ ဉီးဆောင်ခဲ့တဲ့ အင်ဒိုနီးရှားနိုင်ငံဟာ ဒီနှစ် အာဆီယံအဖွဲ့ရဲ့ အလှည့်ကျဥက္ကဌဖြစ်ပါတယ်။
မြန်မာစစ်တပ်ကိုယ်စားလှယ်တွေကို ဒေသတွင်းအစည်းအဝေးတွေနဲ့ ထိပ်သီးဆွေးနွေးပွဲတွေမှာ တက် ရောက်ခွင့်ပိတ်ပင်ဖို့ ပြီးခဲ့တဲ့နှစ်အတွင်း အင်ဒိုနီးရှားသမ္မတ ဂျိုကိုဝီဒိုဒိုက အာဆီယံခေါင်းဆောင်တွေကို အဆိုပြုခဲ့ ပါတယ်။
အင်ဒိုနီးရှားနိုင်ငံက ကြိုးပမ်းမှုတွေ လုပ်ဆောင်ခဲ့ပေမယ့် မြန်မာစစ်တပ်ကို ဘယ်လို တာဝန်ခံစေမယ်ဆို တာနဲ့ပတ်သက်လို့ အာဆီယံအဖွဲ့ကြား သဘောတူညီချက်မရရှိခဲ့ပါဘူး။
စီးပွားရေးပိတ်ဆို့မှုတွေနဲ့အတူ ပိုမိုဆိုးရွားလာနေတဲ့ ပြည်သူလူထုရဲ့ အုံကြွမှုတွေကြောင့် စီးပွားရေး တရှိန်ထိုးကျဆင်းနေတဲ့ မြန်မာနိုင်ငံမှာ စစ်တပ်အနေနဲ့ နိုင်ငံရေးကနေထွက်ခွာပြီး အရည်အချင်းပြည့်မီတဲ့ ခေါင်းဆောင်တွေကို အုပ်ချုပ်ခွင့်ပြုလိုက်သင့်တယ်လို့ စစ်ဗိုလ်ချုပ်ကြီးဟောင်းတဦးဖြစ်တဲ့ လူဟတ်က မြန်မာအာဏာသိမ်းစစ်ခေါင်းဆောင်တွေကို တိုက်တွန်း ပြောခဲ့တာပါ။
ဒီပြောကြားချက်ဟာ သူ့ရဲ့အမြင်သာဖြစ်ပြီး အင်ဒိုနီးရှားကတော့ မြန်မာစစ်ခေါင်းဆောင်တွေနဲ့ ညှိနှိုင်းဆောင်ရွက်ရာမှာ အာဆီယံရဲ့ ပြည်တွင်းရေးဝင်ရောက်မဖွက်ဖက်ရေး မူဝါဒအတိုင်း လိုက်နာကျင့်သုံးသွားမှာဖြစ်တယ်လို့ ပန်ဂျိုင်တန်က ပြောခဲ့ပါတယ်။
