နာမည်ဆိုးနဲ့ကျော်ကြားလာတဲ့ စစ်ကောင်စီလေတပ်ဟာ ၇၅ နှစ်ပြည့် စိန်ရတုလေတပ်နှစ်ပတ်လည်နေ့မှာ နောက်ထပ် လူသတ်လက်နက်အသစ်တွေကိုတပ်တော်ဝင်ခဲ့တာတွေ့ရပါတယ်။ မြေပြင်စိုးမိုးနိုင်မှု အားလျော့ လာတဲ့ အာဏာသိမ်း စစ်ကောင်စီဟာ၂၀၂၂ ခုနှစ်အတွင်း နိုင်ငံတစ်ဝန်းက ခုခံတော်လှန်ရေးစစ်တွေကို ချေမှုန်းဖို့ လေကြောင်းကိုအဓိကအားပြုနေခဲ့တာဖြစ်ပါတယ်။ ၂၀၂၁ ခုနှစ် ဖေဖော်ဝါရီ ၁ ရက်မှာ အာဏာသိမ်းပြီး နောက် ပိုင်းစစ်ကောင်စီဟာ လေကြောင်းတိုက်ခိုက်မှုအကြိမ်ရေ ရာဂဏန်းထက်မနည်း ပြုလုပ်ထားခဲ့တာပါ။