အာဏာသိမ်းသက်တမ်းကြာလာတာနဲ့အမျှ စစ်ကောင်စီဟာ သူတို့အာဏာတည်မြဲရေးအတွက် နည်းလမ်းမျိုးစုံ သုံးလာတာတွေ့နေရပါတယ်။ လက်ရှိမှာ အာဏာရှင်စနစ် တော်လှန်ရေးအင်အားစုတွေကို စစ်အင်အား အလုံး အရင်းနဲ့တိုက်ခိုက်နေသလို တစ်ဖက်မှာလည်း CDM လှုပ်ရှားမှုမှာပါဝင်တဲ့ နိုင်ငံ့ဝန်ထမ်းတွေကို သက်ဆိုင်ရာဌာန တွေပြန်လာဖို့အတွက် ဖိအားအမျိုးမျိုးပေးနေပြီး မလိုက်နာသူတွေကို ဖမ်းဆီးအရေးယူတာတွေလုပ်နေတာပါ။ ဒါ့အပြင် စစ်အာဏာရှင်ဖီဆန်ရေးဆန္ဒပြပွဲတွေကို နေ့စဉ်မပြတ်လုပ်နေတဲ့ ကျေးလက်ဒေသတွေကို နယ်မြေရှင်း လင်းရေးအကြောင်းပြချက်နဲ့ စစ်ကြောင်းထိုး ရှင်းလင်းတာတွေရှိသလို အငြိုးနဲ့ ဗုံးကြဲ တိုက်ခိုက်တာတွေလည်း ရှိနေပါတယ်။ စစ်ကောင်စီအနေနဲ့ နိုင်ငံတကာဖိအားပေးမှုတွေရှိနေတဲ့ကြားက အခုလို ရက်စက်ကြမ်းကြုတ်တဲ့ နည်းလမ်းတွေကို လုပ်ဆောင်နေတာဟာ သူ့တို့နောက်ကွယ်မှာ အထောက်အပံ့ကောင်း တွေရှိနေလို့ဆိုတာ သေချာပါတယ်။ စစ်ကောင်စီအနေနဲ့ သူတို့ဘက်မှာရပ်တည်ပေးမယ့်သူမရှိဘဲ နိုင်ငံတကာရဲ့ ဖိအားပေးမှုတွေကို ဂရုမစိုက်ဘဲ လုပ်ဆောင်ဖို့ဆိုတာမဖြစ်နိုင်ပါဘူး။ ပြီးခဲ့တဲ့ရက်ပိုင်းအတွင်း နိုင်ငံတကာပါလီမန်အမတ်များအဖွဲ့ရဲ့ ထုတ်ပြန်ချက်မှာတော့ စစ်ကောင်စီနဲ့ပတ်သက်ပြီး အခုလိုပြောထားတာတွေ့ရပါတယ်။ အာဏာသိမ်း စစ်ကောင် စီအနေနဲ့ သူတို့ရဲ့ အာဏာတည်မြဲရေးအတွက် လူ့အခွင့်အရေးချိုးဖောက်မှုတွေကို ဆက်လက်ကျူးလွန်နိုင်ဖို့ တရုတ်၊ ရုရှားနဲ့ အိန္ဒိယနိုင်ငံတွေက အဓိက ထောက်ခံမှုပေးနေတာဖြစ်တယ်လို့ ဆိုထားပါတယ်။ အထူးသဖြင့် စစ်ကောင်စီအနေနဲ့ အာဆီယံ ဘုံသဘောတူညီချက် ၅ ရပ်ကို မျက်ကွယ်ပြုထားပြီး လိုက်ပါဆောင်ရွက်ခြင်း မရှိတာဟာ နိုင်ငံတကာအလယ်မှာ တရုတ်နဲ့ ရုရှားတို့က ထောက်ခံမှုပေးနေတာကြောင့် လို့လည်းဆိုထားပါ တယ်။
#Politics
#MizzimaTV