အီဂျစ်နိုင်ငံတွင် ကျင်းပခဲ့သည့် COP27 ရာသီဥတု ညီလာခံတွင် အာဖဂန်နစ္စတန် ကိုယ်စားပြု ပါဝင်ခွင့် မရရှိခဲ့ခြင်းအပေါ် အာဖဂန်နစ္စတန်၏ နိုင်ငံတော် သဘာဝပတ်ဝန်းကျင် ကာကွယ်စောင့်ရှောက်ရေး အေဂျင်စီ (NEPA) က ဝေဖန်လိုက်သည်။

ရာသီဥတု ညီလာခံတွင် အာဖဂန်နစ္စတန်မှ တရားဝင် ကိုယ်စားလှယ် တက်ရောက်နိုင်ခြင်း မရှိမှုအပေါ် NEPA ၏ ခေတ္တအကြီးအကဲ ဟာဖစ် အာဇစ် ရာမန်က သတင်းစာရှင်းလင်းပွဲတစ်ခုတွင် မေးခွန်းထုတ်ခဲ့ကြောင်း TOLO News က ဖော်ပြသည်။

အာဖဂန်နစ္စတန်သည် နှစ် ၂၀ ကျော်ကြာအတွင်း အဆိုးဆုံးသော မိုးခေါင်မှုကို ကြုံတွေ့နေရကြောင်း ဟာဖစ် အာဇစ် ရာမန်က ပြောသည်။

အထူးသဖြင့် အာဖဂန်နစ္စတန် အပါအဝင် ကမ္ဘာတစ်ဝန်း၌ ရာသီဥတု ပြောင်းလဲမှုနှင့် ကမ္ဘာကြီး ပူနွေးလာမှုတို့က အကြီးမားဆုံးသော သဘာဝပတ်ဝန်းကျင် စိန်ခေါ်မှုတစ်ခု ဖြစ်သည်ဟု ရာမန်က ပြောကြောင်း TOLO News က ကိုးကား ဖော်ပြသည်။

အီဂျစ်နိုင်ငံတွင် ကျင်းပခဲ့သည့် COP27 ညီလာခံတွင် အာဖဂန်နစ္စတန်အနေဖြင့် တရားဝင်ကိုယ်စားပြု ပါဝင်နိုင်ခြင်း မရှိခဲ့ပေ။