စက်တင်ဘာလ ၂၃ ရက်
စစ်ကိုင်းတိုင်း၊ ရေဦးမြို့နယ်၊ နာရီစင်အနီးရှိ KBZ Bank မှ ဓာတ်အားပေးထရမ်စဖော်မာအား စက်တင်ဘာလ၂၂ ရက်နေ့လယ် ၁၁နာရီ ၄၅မိနစ် အချိန်တွင် ကာကွယ်ရေးတပ်ဖွဲ့က ဖောက်ခွဲဖျက်ဆီးခဲ့ကြောင်း သိရသည်။
"သူတို့အစောင့်လစ်တုန်း ဝင်ကပ်ခဲ့တာ၊ ခွဲပြီးနောက်ပိုင်း အစစ်အဆေးကြမ်းတယ်၊ လူထိခိုက်မှုတော့မရှိဘူး၊ ကင်းပုန်းတွေပတ်ချထားတယ်၊ မီးတော့သုံးမရတော့ဘူး"ဟု YE U-People Defence Force အဖွဲ့တာဝန်ရှိသူက ပြောသည်။
ဖောက်ခွဲမှုကြောင့် လူထိခိုက်မှုမရှိဘဲ ဘဏ်၏ဓာတ်အားပေးစနစ်ပြတ်တောက်ကာ မီးအသုံးပြု၍မရတော့ကြောင်းနှင့် ဖောက်ခွဲဖျက်ဆီးပြီးချိန်တွင် စစ်ကောင်စီမှ စစ်ဆေးမှုများပြုလုပ်ကာ ကင်းပုန်းများ ချထားကြောင်းသိရသည်။
KBZ Bank သည် စစ်ကောင်စီ၏အကြီးမားဆုံး ဒေါက်တိုင်အနေဖြင့်ရပ်တည်နေပြီး ပြည်သူများ၏ ချွေးနှဲစာငွေကြေးများကို လုယူနေသော လုပ်ရပ်အား ရပ်တန်းကရပ်ရန် သတိပေးထုတ်ပြန်ထားသည်။
စာတည်း - သန့်ဇော်(သန်လျင်)