စက်တင်ဘာလ ၂၁ ရက်
ထိုင်း-မြန်မာနယ်စပ်ရှိ ရနှောင်းနယ်စပ်ဂိတ်တွင် စက်တင်ဘာလ ၂၀ ရက်နေ့ ည ၁၀ နာရီခန့်က ကလေးငယ်များအပါအဝင် မြန်မာရွှေ့ပြောင်းလုပ်သား ၂၃ ဦးဖမ်းဆီးခံရကြောင်း ထိုင်းအခြေစိုက် အမှတ် (၂၅) ခြေမြန်တပ်ရင်း အထူးတပ်ဖွဲ့ကဖော်ပြထား သည်။
၎င်းတို့သည် ထိုင်းနိုင်ငံအတွင်း အလုပ်လုပ်ကိုင်ရန်အတွက် ရနောင်းခရိုင်၊ စွတ်စန်လန်မြို့နယ်၊ နာခါကျေးရွာအနီးတွင် အထောက်အထားမဲ့ တရားမဝင် နယ်စပ် ဖြတ်ကျော်ချိန် ထိုင်းအာဏာပိုင်းများ၏ ဖမ်းဆီးခြင်းကို ခံခဲ့ရကြောင်းဆိုသည်။
ယင်း ဖမ်းဆီးခံရသည့် မြန်မာနိုင်ငံသား ၂၃ ဦးတို့ သည် ကော့သောင်းဘက်မှနေ၍ နယ်စပ် ဖြတ်ကျော် ဝင်ရောက်လာခဲ့ခြင်းဖြစ်ပြီး လူတစ်ဦးလျှင် ဘတ်ငွေ ၂၂,၀၀၀ ဖြင့် ကြားပွဲစားမှတစ်ဆင့် ဝင်ရောက်လာခြင်း ဖြစ်ကြောင်း ထိုင်းသတင်း၌ ဖော်ပြထားသည်။
ထို့အပြင် မြန်မာနိုင်ငံသား ၂၃ ဦးကို တရားမဝင် လမ်းကြောင်းဖြင့် ခေါ်ဆောင်လာသည့် ထိုင်းလူမျိုး ယာဉ်မောင်းအပါဝင် မြန်မာနိုင်ငံသားများကို ဥပဒေအရ အရေးယူဆောင်ရွက်ရန် ထိုင်းအာဏာပိုင်များက စီစဉ်နေကြောင်းလည်း ဘန်ကောက်သတင်းတစ်ရပ်အရသိရသည်။
စာတည်း ။ ။ Alden
စာမူတည်းဖြတ် ။ ။ အောင်ကျော်ဖြိုး
