|
ထက်ဇော်
|
|
အင်္ဂါနေ့၊ မေလ 20 2008 19:12 - မြန်မာစံတော်ချိန် |
ကောင်းကင်နက်က ကြယ်တွေ ကြွေစေတယ်…။
တိတ်ဆိတ်ညိုးညံနေတဲ့
ဖြူလွှလွှ တောက်လောင်မှုတွေ…။
အစိမ်းရင့်ရင့် ပွင့်စေတဲ့
နီးဆွေးဆွေး သံလွင်ခက်တွေ….။
အဓိပတိလမ်းဘေးက
အညတရ ကံ့ကော်ကြွေတွေ…။
တေးတ၀က်နဲ့ ခန္ဓာပျက်ခဲ့တဲ့
ထနောင်းပင်ထက်က ချိုးငယ်တွေ…။
မိုးအလင်း ဇာတ်ထုပ်တခုထဲက
ငုတ်တုတ်မိုးချုပ်ခဲ့ပြီး အိမ်ပြန်မရောက်တဲ့ ကဗျာအိုတွေ….။
ဒါဟာ … ဒို့ရေးတဲ့ သမိုင်းလား…..။
ရေးပြီးသား ဖတ်စာတအုပ်လား….။
ဆပ်ရန်လက်ကျန်ရှိ အကြွေးစာရင်းလား….။
……. …….. …….. လား…။
……. …….. …….. လား…။
……. …….. …….. လား…။
"ဘ၀" ဆိုတာ "ခဏ" လေးပါကွာဆိုပြီး
"ခဏ" ဆိုတာ " ဘ၀" ပဲဆိုတာမေ့လျော့
ညတွေထဲမှာ ကြယ်တွေကို
ပလုံစီဂီတတွေ၊ အညှီအဟောက်တွေ
စီးကရက်တွေ၊ မိန်းမပျက်တွေ နဲ့ မြှား
ဒီလိုနဲ့ …..
နေ၀င်ရီတရောမှာ အမှန်တရားနဲ့ လက်ဆွဲနှုတ်ဆက်
ကျော်ဖတ်ရန်နဲ့ မရေးဖြစ်တော့တဲ့ စာမျက်နှာတွေအကြောင်း
ထောင်းနမောင်းထ၊ ဖွာလန်ကြဲဆွေးနွေးပြီး
ကိုယ့်ကိုကိုယ် ပြန်မြည်းနေမိတာ ကြာပေါ့….။
ဟုတ်တယ်…..
ကောင်းကင်နက်က ကြယ်တွေကြွေစေတယ်လို့လေ…..။
ထက်ဇော်
|
ကဗျာ 
