နိုင်ငံရေး အကျဉ်းသူ (ဂျာမန်-တူရကီ ဇာတ်ကား)

ငြိမ်းချမ်းငြိမ်း

ဗုဒ္ဓဟူးနေ့၊ နိုဝင်ဘာလ 12 2008 18:05 - မြန်မာစံတော်ချိန်

The Edge of Heaven ဇာတ်ကားကို ဂျာမန် ဒါရိုက်တာက ရိုက်ကူးထုတ်လုပ်၍ တူရကီ သရုပ်ဆောင်များက အဓိက သရုပ်ဆောင်ထားကြသည်။ ဂျာမန်-တူရကီ ပူးတွဲ ထုတ်လုပ်ထားသည့် ထိုဇာတ်ကားမှာ အချစ်၊ ရမ္မက်၊ နိုင်ငံရေး၊ ယဉ်ကျေးမှု၊ ပဋိပက္ခ၊ လူသားမဆန်မှုများကို တင်ဆက်ပြထားသည်။ ဥရောပသမဂ္ဂမှ ကျင်းပသည့် ဥရောပ ရုပ်ရှင်ပွဲတော်တွင် အကောင်းဆုံး ဇာတ်ကားဆု ရရှိခဲ့ပြီး၊ ကိန်းစ်ရုပ်ရှင်ပွဲတော်တွင် အကောင်းဆုံးဇာတ်ညွှန်းဆု ရရှိခဲ့သည်။ အေတန်အော(ဇ်)တာ(ခ်)မှာ တက္ကသိုလ် ကျောင်းသူတဦးဖြစ်ပြီး၊ ကျောင်းသား လှုပ်ရှားမှုတခုတွင် ပါဝင်ခဲ့သဖြင့် တူရကီနိုင်ငံ အစ္စတန်ဘူ(လ်)မြို့တွင် ထောင်ဒဏ် ၁၅ နှစ် အကျဉ်းကျခံနေရသူ ဖြစ်သည်။ ဆန္ဒပြမှုတွင် အေတန် ပါဝင်ခဲ့စဉ်က ရဲက လိုက်လံ ဖမ်းဆီးခဲ့သော်လည်း ဂျာမဏီနိုင်ငံသို့ ထွက်ပြေး လွတ်မြောက်ခဲ့သည်။ ဂျာမဏီနိုင်ငံတွင် နိုင်ငံရေးခိုလှုံခွင့် ငြင်းပယ်ခံရပြီး၊ နေရပ်သို့ ပြန်ပို့ခံရကာ ဖမ်းဆီးထောင်ချခံရခြင်း ဖြစ်သည်။   ဂျာမဏီနိုင်ငံ ဘရီးမန်းမြို့တွင် နေထိုင်သည့် ပင်စင်စားမုဆိုးဖိုကြီး အလီအက်ထုမှာ တူရကီနိုင်ငံမှ ပြောင်းရွှေ့အခြေစိုက် နေထိုင်သူဖြစ်သည်။ ပင်စင်စား မုဆိုးဖိုတဦး ဖြစ်သောကြောင့် သူ၏ အထီးကျန်ဆန်သော ဘဝကို ပြေပျောက်ရန် အပျော်အပါး လိုက်စားရင်း တူရကီ အမျိုးသမီး ရီတာအော(ဇ်)တာ(ခ်)နှင့် အကျွမ်းဝင်ခဲ့သည်။ တနေ့တွင်မူ အလီက ရီတာအား သူမ ဒီနေရာတွင် ဝင်သော ဝင်ငွေထက် ပိုပေးမည်၊ သူ၏ ဇနီးမယားသဖွယ် လိုက်နေပါဟု ကမ်းလှမ်းခဲ့သည်။ အစတွင် ရီတာက လက်မခံသေးသော်လည်း သူမ၏ နေ့စဉ်ဘဝမှာ မနှစ်မြို့ဖွယ်ရာ နိုင်လှသောကြောင့် နောက်ပိုင်းတွင် လက်ခံလိုက်သည်။ ဂျာမန် တက္ကသိုလ်တွင် ပါမောက္ခအဖြစ် ဂျာမန်စာပေများကို သင်ကြားပေးနေသည့် အလီ၏ သားဖြစ်သူ နာဂျက်မှာ ရီတာကိုမနှစ်မြို့ပေ။ ရင်းနှီးလာသည့်အခါတွင်မူ ရီတာ၏ ပြေပြစ်မှုကြောင့် နာဂျက်က သူ့ကို သနားစိတ်ဝင်ခဲ့သည်။ တူရကီနိုင်ငံတွင် တက္ကသိုလ်ပညာ သင်ကြားနေသည့် သမီးဖြစ်သူကို ဂျာမန်ဖိနပ်ဆိုင်တခုတွင် အလုပ်လုပ်နေသည်ဟု လိမ်လည် ပြောဆိုထားပြီး၊ သူ ရရှိသော ငွေကြေးများကို သမီးဖြစ်သူ ကျောင်းနေနိုင်ရန်အတွက် ထောက်ပံ့နေသည်။ နာဂျက်ကို တက္ကသိုလ်မှ ပါမောက္ခမှန်း ရီတာ သိသွားသည့်အခါ သူ့သမီးလေးမှာလည်း ဂျာမဏီနိုင်ငံတွင် ပညာသင်ကြားရလျှင် ကောင်းမှာပဲဟု နာဂျက်ကို ပြောသည့်အခါ စိတ်ထားကောင်းသော နာဂျက်က ကူညီမည်ဟု ကတိပြုခဲ့သည်။   သားဖြစ်သူနှင့် ရီတာတို့ ချစ်ကျွမ်းဝင်နေသည်ဟု သံသယဖြစ်နေသော အလီက သားဖြစ်သူအား မေးမြန်းသည့်အခါ နာဂျက်က စိတ်ဆိုး၍ အိမ်ပေါ်မှ ဆင်းသွားသည်။ တဖန် ရီတာကိုလည်း သူ့သားနှင့်ပတ်သက်ပြီး မေးမြန်းရာ၌ ရင့်ရင့်သီးသီး ပြောဆိုဆက်ဆံသဖြင့် ရီတာလည်း အိမ်မှထွက်သွားရန် စီစဉ်ခဲ့သည်။ ရီတာ၏ အပြုအမူကို စိတ်ဆိုးသော အလီက ရိုက်လိုက်ရာ ကုတင်နှင့်ထိမိပြီး ရီတာ သေဆုံးသွားခဲ့သည်။   အလီကို ဖမ်းဆီးထောင်ချပြီး၊ ဂျာမဏီ အာဏာပိုင်တို့က နောက်ပိုင်းတွင် တူရကီနိုင်ငံသို့ ပြန်လည် ပို့ဆောင်ခဲ့သည်။ ရီတာ၏ အလောင်းကိုလည်း တူရကီနိုင်ငံသို့ ပြန်လည်ပို့ဆောင်ခဲ့သည်။ အလီ၏ သားဖြစ်သူ နာဂျက်က တူရကီနိုင်ငံသို့ လိုက်ပါသွားခဲ့ပြီး၊ ရီတာ၏ ဆွေမျိုးများမှတဆင့် သူ၏ သမီးဖြစ်သူကို စုံစမ်းသော်လည်း အစအနပင် မရခဲ့ချေ။ မိခင်ဖြစ်သူမှာ ဖခင်၏ လက်ချက်ကြောင့် ဆုံးပါးသွားသဖြင့် သူ၏ သမီးဖြစ်သူကို တွေ့အောင်ရှာကာ ကူညီစောင့်ရှောက်မည်ဟု ဆုံးဖြတ်ထားသဖြင့် အစ္စတန်ဘူလ်၌ပင် ဂျာမန်စာအုပ်ဆိုင် ဖွင့်၍ အခြေချနေထိုင်ကာ ရီတာ၏ သမီးဖြစ်သူအား ရှာပုံတော် ဖွင့်ခဲ့သည်။ တူရကီနိုင်ငံ အစ္စတန်ဘူလ်မြို့ရှိ တက္ကသိုလ် ကျောင်းသားများမှာ သူတို့အစိုးရ၏ ပညာရေးစနစ်နှင့် လူ့အခွင့်အရေး ကိစ္စများတွင် ကိုင်တွယ်ပုံကို သဘောမကျသဖြင့် ဆန္ဒပြ ကန့်ကွက်ကြသည်။ ထိုသို့ ဆန္ဒပြ ကန့်ကွက်ကြသည့် အထဲတွင် ရီတာ၏ သမီးဖြစ်သူ အေတန်လည်း ပါဝင်သည်။ ဆန္ဒပြ ကန့်ကွက်သည့် တက္ကသိုလ် ကျောင်းသားများကို ရဲက အင်အားသုံးဖြိုခွဲကာ လိုက်လံ ဖမ်းဆီးသောကြောင့် အေတန်နှင့် သူ၏ သူငယ်ချင်းမှာ ထွက်ပြေးရင်း သူ၏ မိုဘိုင်းဖုန်း ကျကျန်ခဲ့ရာ ရဲတို့က သိမ်းဆည်းရမိခဲ့သည်။ ထိုမိုဘိုင်းဖုန်းထဲတွင် ပါဝင်သော နာမည်များကို တူရကီ ထောက်လှမ်းရေးတို့က အယောင်ဆောင် ဆက်သွယ်သောကြောင့် သူ၏ သူငယ်ချင်းများမှာ အဖမ်းခံခဲ့ရသည်။ အေတန်ကမူ ထွက်ပြေး လွတ်မြောက်သွားခဲ့ပြီး၊ ဂျာမဏီနိုင်ငံသို့ ရောက်ရှိသွားခဲ့သည်။   ဂျာမဏီနိုင်ငံ ဟမ်းဘက်(ဂ်)ရှိ ဖိနပ်ဆိုင်တခုတွင် အလုပ်လုပ်နေသည်ဟု သူမ၏ မိခင် ပြောထားသောကြောင့် ဖိနပ်ဆိုင်များတွင် စုံစမ်းသော်လည်း သူမ၏ မိခင်ကို မတွေ့ရှိခဲ့ပေ။ ဂျာမဏီတွင် တရားမဝင် အခြေချနေထိုင်သူတဦးအဖြစ် ရောက်ရှိလာသော အေတန်ကို ဂျာမန်ရှိ တူရကီ အတိုက်အခံတို့ကလည်း ထိထိရောက်ရောက် မကူညီပေးနိုင်ကြချေ။ ပိုက်ဆံလည်း ကုန်လာပြီဖြစ်သော အေတန်သည် ဂျာမန် တက္ကသိုလ်ကျောင်းသူ လောကီနှင့် သူငယ်ချင်း ဖြစ်ခဲ့ကြသည်။ စားစရာနေစရာ မရှိသော အေတန်ကို လော်ကီက သူ့အိမ်သို့ ခေါ်သွားပြီး၊ စောင့်ရှောက်ထားသည်။ ရီတာကို လော်ကီက ကြင်နာစွာ စောင့်ရှောက်သော်လည်း လောကီ၏ အမေဖြစ်သူ ဆူဆန်က ဘဝင်မကျချေ။ တရက်တွင် အေတန်နှင့် ဆူဆန်တို့ ပြဿဿနာဖြစ်ပြီး၊ အေတန်က ထိုအိမ်မှ ထွက်သွားရန် ဆုံးဖြတ်သည်။ လော်ကီက အေတန်ကို တနေရာတွင် အိမ်ငှားပေးထားမည်ဟု ဆုံးဖြတ်ပြီး၊ ကားနှင့် ခေါ်ဆောင်သွားစဉ် ဂျာမန်ရဲတို့၏ တားဆီးမေးမြန်းခံရသည်။ ကားမောင်းလိုင်စင် မပါလာသော လော်ကီကို ဂျာမန်ရဲတို့က မေးမြန်းနေစဉ် ကားနောက်ခန်းထဲတွင် ထိုင်နေသော အေတန်မှာ ကြောက်၍ ထွက်ပြေးသည်။ အေတန်တို့ ဖမ်းဆီးမိပြီး၊ ထိန်းသိမ်းထားစဉ် လော်ကီက အေတန် လွတ်မြောက်ရေးအတွက် အစွမ်းကုန် ကူညီသော်လည်း နောက်ဆုံးတွင် နိုင်ငံရေး ခိုလှုံခွင့်အတွက် ငြင်းပယ်ခံရကာ တူရကီနိုင်ငံသို့ ပြန်ပို့ခံရသည်။ တူရကီနိုင်ငံတွင် ထောင်ဒဏ် ၁၅ နှစ် ချမှတ်ခံရသော အေတန်ကို လော်ကီက သွားရောက်တွေ့ဆုံသည်။ လော်ကီ လွတ်မြောက်ရေးအတွက် ဆက်လက်ကူညီရန် အစ္စတန်ဘူလ်၌ နေထိုင်မည်ဟု လော်ကီက ဆုံးဖြတ်သောအခါ သူ့မိခင်ဖြစ်သူက မနှစ်မြို့သဖြင့် သူမကို ငွေကြေးထောက်ပံ့မှုများ ဖြတ်တောက်လိုက်သည်။   မိခင်ဖြစ်သူက ငွေကြေး ဖြတ်တောက်လိုက်သဖြင့် ဟိုတယ်ငှားခ မပေးနိုင်တော့သည့် လော်ကီသည် ဂျာမန်စာအုပ်ဆိုင် ဖွင့်ထားသော၊ နာဂျက် ငှားပေးထားသော အခန်းတွင်ပင် နေရသည်။ တနေ့တွင် အေတန်နှင့် သွားရောက်တွေ့ဆုံခိုက် သူမ ဆန္ဒပြမှုတွင် ပါဝင်စဉ်က ရရှိထားသော သေနတ်တလက်ကို ဝှက်ထားသည့် နေရာတွင် သွားယူခိုင်းလိုက်သည်။ လော်ကီက သေနတ်ကို သွားယူပြီး၊ အပြန်တွင် လမ်း၌ အမှတ်တရ ဓာတ်ပုံများ ရောင်းကာ ပိုက်ဆံရှာသော ကလေးတသိုက်နှင့် တွေ့ဆုံသည်။ ထိုကလေးများက လော်ကီအနားသို့ စုပြုံလာကာ ပိုက်ဆံအိတ်ကို လုပြေးသွားသည်။ ထိုအိတ်ထဲတွင် သေနတ်ပါသွားသည့်အတွက် လော်ကီက ကလေးများနောက်သို့ လိုက်ရာ အိတ်ထဲမှ သေနတ်ရရှိထားသော ကလေးက လော်ကီကို လှမ်း၍ချိန်လိုက်ရာ မတော်တဆ ကျည်ထွက်သွားသဖြင့် လော်ကီ သေဆုံးသွားခဲ့သည်။   နိုင်ငံခြားသားဖြစ်သော လော်ကီတယောက် တူရကီနိုင်ငံ၌ သေနတ်ပစ်ခံရပြီး၊ သေဆုံးရမှုကြောင့် နှစ်နိုင်ငံ ပြဿနာ ဖြစ်လာ၍ တူရကီ အာဏာပိုင်တို့က အေတန်ကို ထောင်ထဲ၌ လာရောက်တွေ့ဆုံပြီး၊ လောကီအကြောင်း မေးကာ သူမနှင့် ညှိနှိုင်းသည်။ လော်ကီ၏ အလောင်းကို ဂျာမဏီသို့ ပို့ဆောင်ပြီးနောက် လော်ကီ၏ အမေဖြစ်သူ ဆူဆန် ရောက်ရှိလာကာ နာဂျက်နှင့် တွေ့ဆုံသည်။ နာဂျက်က လော်ကီ ဆင်းရဲကျပ်တည်းစွာဖြင့်  သူ့ထံတွင် နေထိုင်ခဲ့ရကြောင်း ပြောပြပြီးနောက် သမီးဖြစ်သူ၏ သူငယ်ချင်း အေတန်နှင့် ထောင်ထဲသို့ သွားရောက်တွေ့ဆုံသည်။ ထိုအချိန်က တူရကီနိုင်ငံမှာ ကမ္ဘာလှည့်ခရီးသည်များကို စွဲဆောင်နေချိန်ဖြစ်၍ ဂျာမဏီနိုင်ငံသားတဦး အသတ်ခံရမှုနှင့်ပတ်သက်၍ အေတန် သွားရောက်သယ်ယူခိုင်းသော သေနတ်ကြောင့်သာ ဖြစ်စေချင်သောကြောင့် အေတန်ကို ထောင်မှလွှတ်ပေးပြီး၊ လော်ကီ သေဆုံးမှုနှင့်ပတ်သက်၍ ရှင်းလင်းခိုင်းသည်။ လော်ကီ၏ အမေက အေတန်နှင့် ထောင်တွင် သွားရောက် တွေ့ဆုံပြီးနောက် အေတန်ကို မွေးစားကာ ဂျာမဏီနိုင်ငံသို့ ပြန်လည်ခေါ်ဆောင်သွားခဲ့သည်။ အေတန် ထိုကဲ့သို့ ထောင်မှလွတ်မြောက်ချိန်တွင် ဘဝတူ နိုင်ငံရေးအကျဉ်းသူများက ရှုတ်ချကြသော်လည်း လော်ကီ၏ အမေနှင့်သာ လိုက်ပါသွားခဲ့သည်။ နာဂျက်မှာလည်း ထောင်မှ လွတ်မြောက်လာသော အဖေနှင့် သွားရောက်တွေ့ဆုံရန်အတွက် ပင်လယ်နက် ကမ်းခြေတွင်ရှိသော အလီ၏ ဇာတိမြေသို့ ပြန်သွားခဲ့သည်။   အလီအက်ဆုအဖြစ် တူရကီသရုပ်ဆောင် တန်ဆယ်ကားတကဇ်က သရုပ်ဆောင်ပြီး၊ နာဂျက်အက်ဆုအဖြစ် ဘာကီနှင့် ဗက်က သရုပ်ဆောင်သည်။ ရီတာအဖြစ် နာဆဲလ်ကိုနာဇီ၊ အေတန်အဖြစ် နာမည်ကျော် တူရကီမင်းသမီး နာဂူလ်ယာဆီကေး၊ လော်ကီအဖြစ် ဂျာမန်မင်းသမီး ပက်ထရစ် ရှာဇီယော် ကော်စကာ၊ ဆူဆန်အဖြစ် ဟန်နာရူးဂူလာတို့က သရုပ်ဆောင်သည်။ The Edge of Heaven ဇာတ်ကား၏ ဒါရိုက်တာမှာ Headon ဇာတ်ကားဖြင့် နာမည်ကျော် ဥရောပ ဒါရိုက်တာတယောက် ဖြစ်ခဲ့ပြီး၊ Solino ဇာတ်ကားဖြင့်လည်း ရုပ်ရှင်ထူးချွန်ဆုများ ရရှိခဲ့သည်။ ၂ဝဝ၉ ခုနှစ်တွင် ပြသမည့် New York I Love You ဇာတ်ကားတွင်လည်း ကမ္ဘာကျော် ဒါရိုက်တာများနှင့်အတူ ထိုကားကို ပါဝင် ရိုက်ကူးထားသည့် Faith Akin ဖြစ်သည်။ The Edge Of Heaven ဇာတ်ကားကို အင်တာနက်တွင် ကြည့်ရှုနိုင်ပါသည်။ < Prev   Next >