တညင်းကုန်းအဆင့်မြင့် လက်ကားဈေးသစ်ကြီး အမြန်ဆုံး စည်ကားရန် ဈေးသူဈေးသားများ မျှော်လင့်

ရန်ကုန်မြ်ို့တော် စည်ပင်သာယာရေးကော်မတီနဲ့ြ့မန်မာအက်ဂရိုအိတ်ချိန်း(စ) အများပိုင်လီမိတက်တို့ ပူးပေါင်း ဖွင့်လှစ်ထားတဲ့ တညင်းကုန်း သစ်သီးဝလံ၊ ဟင်းသီးဟင်းရွက်နဲ့ ပန်းမန် အဆင့်မြင့်လက်ကားဈေးသစ်ကြီး ပိုပြီး စည်ကားလာဖို့ ယခင် တညင်းကုန်းဈေးဟောင်းကနေ ဈေးသစ်ဘက်ကို ပြောင်းရွှေ့အခြေချလာတဲ့ ဈေးသူဈေးသားတွေက မျှော်လင့်နေကြပါတယ်။ 

ဈေးဟောင်းဘက်ကနေ ပြောင်းရွှေ့ဖို့ ကျန်နေသေးတဲ့ ဈေးသည် ၃၀၀၀ လောက်ရယ်၊ဒီအနီးရဲ့ ရထားဘူတာရုံ သံလမ်းနဲ့ လူသွားစင်္ကြန်ပေါ်က ပျံကျဈေးသည်တွေရယ်ဆို ဈေးရုံသစ်ဘက်ကို ကူးလာမယ့်သူ အရေအတွက် အချိုးအစားက ပြောင်းရွှေ့အခြေချပြီးသား ဈေးသည်ဦးရေရဲ့ ထက်ဝက်လောက် ကျန်နေသေးတာပါ။

တစ်ချို့ဈေးသည်တွေဆို ဈေးသစ်ဆိုင်ခန်းတွေကို ကြိုတင်ငှားရမ်းပြီးတာတောင်မှ သူပြောင်းနိုး၊ ကိုယ် ပြောင်းနိုးနဲ့ အခြေအနေကို စောင့်ကြည့်နေတဲ့သဘောပါ။