ဝန်ထုပ်၊၀န်ပိုးမဟုတ်သည့် အခွန်ငွေမျိုးထမ်းဆောင်စေရန် စီစဉ်သွားမည်ဟု ရန်ကုန်တိုင်းဝန်ကြီးချုပ် ဆို

"ရသင့်ရထိုက်တဲ့ ဖြစ်သင့်ဖြစ်ထိုက်တဲ့ အခွန်နှုန်းထားကို ရမယ်ဆိုရင် အားလုံးလည်း ၀န်ထုပ်ဝန်ပိုးတစ်ခုလို ထမ်းထားရတဲ့ အခွန်ငွေမျိုးမဟုတ်တဲ့ ငွေကြေးမျိုးနဲ့ ရချင်ပါတယ်။ လမ်းဘေးဈေးသည်တစ်ယောက်အပေါ်မှာ ကြီးလေးတဲ့ အခွန်တစ်ခုကို ထမ်းနေရတာနဲ့စာရင် အိမ်တလုံးပိုင်ဆိုင်တဲ့ လူတယောက်ကနေ ပြီးတော့ ဒီမြေခွန်ကို ၂၅၀ လောက် ဆောင်နေရာကနေ ပြီးတော့ ၅၀၀၊ ၁၀၀၀ လောက် ဆောင်လိုက်မှုဟာ ဘာမှကြီးလေးတဲ့ အခြေအနေ မဟုတ်ပဲနဲ့ မြို့ရဲ့ ဖွံ့ဖြိုးတိုးတက်မှုအတွက်တော့ အများကြီး အထောက်အကူ ဖြစ်လာနိုင်ပါတယ်" ဟု ဦးဖြိုးမင်းသိန်းက ဒီဇင်ဘာ ၁၉ ရက်နေ့တွင် Parkroyal Hotel ၌ Renaissance Institute ဥာဏ်လင်းသစ်သုတေသနအဖွဲ့မှ ပြုလုပ်သည့် "မြို့ပြများ လျှင်မြန်စွာကြီးထွားလာမှုတွင် ကြုံတွေ့ရသော စိန်ခေါ်မှုများကို စီမံခန့်ခွဲခြင်း -  မြန်မာနိုင်ငံ၏ လက်ရှိပစ္စည်းခွန်စနစ်ကို လေ့လာသုံးသပ်ခြင်း "နှင့် စပ်လျဉ်းသည့် မူဝါဒစာတမ်းမိတ်ဆက် ရှင်းလင်းပွဲတွင် ဆိုသည်။