ရန်ကုန်စတော့အိတ်ချိန်းတွင် နိုင်ငံခြားသားများ ၀င်ရောက် ရင်းနှီးမြှုပ်နှံရန် လမ်းစပွင့်လာ

နိုင်ငံခြားသား ရင်းနှီးမြှုပ်နှံသူတွေဟာ မြန်မာကုမ္ပဏီများအက်ဥပဒေအသစ်အရ နိုင်ငံရဲ့ ငွေကြေးအရင်းအနှီး ဈေးကွက်ဖြစ်တဲ့ ရန်ကုန်စတော့အိတ်ချိန်း-YSX မှာ နိုင်ငံသားတွေ နည်းတူ ရှယ်ယာအရောင်းအ၀ယ်တွေ ၀င်ရောက်ပြု လုပ်နိုင်ဖို့ လမ်းစပေါ်လာတာကြောင့် စတော့ဈေးကွက်ဖွံ့ဖြိုးမှုအတွက် အထောက်အကူပြုမယ်လို့ ရင်းနှီးမြှုပ်နှံမှုနဲ့ ကုမ္ပဏီ များညွှန်ကြားမှု ဦးစီးဌာရဲ့ ညွှန်ကြားရေးမှူးချုပ် ဦးအောင်နိုင်ဦးက ဒီဇင်ဘာလ ၁၃ ရက်နေ့ ရန်ကုန်မြို့မှာ ပြုလုပ်တဲ့ မြန်မာ ကုမ္ပဏီများအက်ဥပဒေ မိတ်ဆက်အသိပေးခြင်း အခမ်းအနားအပြီး မဇ္ဈိမကို ပြောပါတယ်။

အသစ် ပြန်လည်ပြင်ဆင်ခဲ့တဲ့ မြန်မာကုမ္ပဏီများအက်ဥပဒေအသစ်အရ ပြည်တွင်းကုမ္ပဏီတွေမှာ နိုင်ငံခြားသား ထည့်ဝင် ရင်းနှီးမြှုပ်နှံမှုကုို ၃၅ ရာခိုင်နှုန်းအထိ တိုးမြှင့်ထားပြီး အဲဒိကုမ္ပဏီရဲ့ ရပ်တည်ချက်ကို ပြည်တွင်းကုမ္ပဏီအဖြစ်သာ အဓိပ္ပာယ်ဖွင့်ဆိုထားတာကြောင့် ရင်းနှီးမြှုပ်နှံသူ နိုင်ငံခြားသားတွေဟာ နိုင်ငံရဲ့ ဘဏ္ဍာရေးနဲ့ ဘဏ်လုပ်ငန်းကဏ္ဍတွေမှာ ၀င်ရောက် ရင်းနှီးမြှုပ်နှံနိုင်တော့မှာဖြစ်ပါတယ်။

ရန်ကုန်စတော့အိတ်ချိန်းရဲ့ အမှုဆောင်အကြီးတန်းမန်နေဂျာဖြစ်သူ ဦးသက်ထွန်းဦးကတော့ စတော့ဈေးကွက်အတွင်း နိုင်ငံခြားသား ပါဝင်မှုနဲ့ ရောင်းဝယ်မှုကို တိကျတဲ့ အဓိပ္ပာယ်ဖွင့်ဆိုမှုမျိုး ပေးသင့်တယ်လို့ ဆိုပါတယ်။